Felisberto de Deus orgullu reprezenta TL iha Tokyo Olympic Games

DILI, 17 juñu 2021 (TATOLI) – Atleta Felisberto de Deus, hosi Federasaun Atletizmu Timor-Leste, orgullu bele reprezenta Timor-Leste partisipa iha Tokyo Olympic Games 2020.
Notísia Relevante : Semana ne’e, FATL halo promosaun ba atleta Felisberto de Deus

“Hanesan timor-oan ha’u kontente bele reprezenta ita-nia nasaun ba partisipa iha Tokyo Olympic Games,” Felisberto de Deus haktuir ba Agência Tatoli iha Estádiu Dili, kuarta loraik (16/06).
Felisberto hateten, nia sei halo esforsu hotu hodi hamorin Timor-Leste nian naran iha mundu liuhosi eventu internasionál ne’ebé sei partisipa hosi nasaun 211.
Mezmu Felisberto nia preparasaun ladún másimu tanba impaktu hosi situasaun pandemia COVID-19, maibé nu’udar atleta nia sei la deziste no fiar an tenke kompete no buka manan.
Jornalista : Hortencio Sanchez
Editór : Francisco Simões

