iklan

COVID-19, HEADLINE, NASIONÁL, SAÚDE

Xanana Gusmão kompleta ona Sinovac doze daruak

Xanana Gusmão kompleta ona Sinovac doze daruak

Líder Karismátiku, Kay Rala Xanana Gumão, simu vasina Sinovac doze daruak iha klínika Fatumeta, kuarta (21/07). Imajen Tatoli/Francisco Sony.

DILI, 21 jullu 2021 (TATOLI)—Líder Karismátiku, Kay Rala Xanana Gusmão, simu ona vasina COVID-19 ho tipu Sinovac doze daruak iha klínika (maternidade) Fatumeta, Dili, kuarta tuku 09:00 otl.

“Ha’u husu katak, karik ita akompaña iha mundu, ema millaun mate tanba COVID-19. Iha mós ema hamutuk millaun mak problema ho moras iha Ospitál-sira. Ita-nia sorte mak rai ida, illa ida, moras ne’e la tama. Tanba ne’e, husu ita atu kuidadu-an no hakbesik-an ba fasilidade saúde atu simu vasina,” Kay Rala Xanana Gusmão hateten ba jornalista-sira hafoin simu vasina.

Notísia relevante:Xanana husu ema hotu simu vasina atu salva-an hosi COVID-19

Tuir observasaun hosi Xanana Gusmão katak, iha Dili ema barak mak fiar ona kona-bá ezisténsia COVID-19 iha duni, nune’e husu ema hotu-hotu kolabora-malu atu ba simu vasina.

Nia mós husu kolaborasaun hosi autoridade lokál no autoridade postu administrativu-sira atu fahe nafatin informasaun ba populasaun, hodi proteje família no komunidade tomak.

Xanana rasik simu vasina Sinovac doze dahuluk iha klínika Fatumeta iha 24 juñu 2021.

Jornalista: Felicidade Ximenes

Editór: Cipriano Colo

iklan
iklan

Leave a Reply

iklan
error: Content is protected !!