DILI, 25 outubru 2021 (TATOLI)— Populasaun Timor-Leste elijível tinan 18 ba leten, ne’ebé simu ona vasina doze kompletu kontra COVID-19 atinje 46%, ekivalente ema 347.261.
”To’o ohin loron, sidadaun sira ne’ebé mak idade 18 ba leten simu ona vasina AstraZeneca no Sinovac doze dahuluk hamutuk ema 535.178 (70,9%) no doze daruak hamutuk 347.261 (46,0%),’’ refere nota ne’ebé Agência TATOLI asesu, tersa ne’e.
Sidadaun sira ne’ebé mak simu ona vasina doze dahuluk iha Dili hamutuk 172.881 (80,9%) no doze daruak hamutuk 154.955 (72,5%)
Vasina ba doze daruak iha munisípiu ne’ebé hetan númeru bo’ot hanesan Baucau 33.291, Viqueque 23.624, Covalima 22.095, Rejiaun Administrativu Espesiál Oé-Cusse no Ambeno (RAEOA) 21.759 , Bobonaro 17.369, Ermera 15.017, Liquisa 13.143 Lautem 11.830, Manufahi 10.094, Manatuto 9.485, Aileu 7.587 no Ainaro 7.012.
Enkuantu, vasina doze dahuluk ba AstraZeneca 487.977 no doze dahuluk Sinovac 47.181. Doze kompletu ba vasina AstrraZeneca 303.462 no Sinovac 43.799.
Hosi totál vasina doze millaun ida-resin ne’ebé oferese hodi mekanizmu COVAX, Austrália, Nova Zelándia, Portugal, Japaun, Xina no Estadu Unidu Amérika, fó ona ba sidadaun iha territóriu nasionál hamutuk doze 882.439.
Hahú hosi 21 marsu 2020 to’o 25 outubru 2021, Timor-Leste rejista Kumulativu kazu konfirmadu 19.774, kumulativu rekuperadu 19.601 no kumulativu óbitu 121.
Jornalista : Felicidade Ximenes
Editór : Florencio Miranda Ximenes
