iklan

BAUCAU, ELEISAUN, HEADLINE, MUNISÍPIU, POLÍTIKA, SEGURANSA

Komandante PNTL Baucau: “Sé mak halo violénsia, nia mós simu violénsia”

Komandante PNTL Baucau: “Sé mak halo violénsia, nia mós simu violénsia”

Komandante PNTL Baucau, Superintendente António de Sá. Imajen Tatoli/Natalino Belo.

BAUCAU, 18 marsu 2022 (TATOLI) – Komandu Polísia Nasionál Timor-Leste (PNTL) Munisípiu Baucau, zero toleránsia ba entidade sira-ne’ebé iha intensaun atu kria violénsia iha loron eleisaun prezidensiál.

Komandante PNTL Baucau, Superintendente António de Sá hateten, sesta ohin, komandu halo formatura konjunta hafoin prezensa membru na’in-30 ne’ebé apoia hosi Komandu Jerál PNTL Dili hodi esplika kona-ba misaun inklui orientasaun komandante jerál nian kona-ba lei sira.

Parte seguransa nafatin kumpri misaun tanba iha eleisaun lei define klaru ona kona-ba distánsia seguransa nian mak metro 25 no responsabliza krime sira iha lei númeru 5/2017 kona-ba arma branka.

“Seguransa la autoriza votante sira ba ho atributu arte-marsiál, la permite mós eleitór ba vota ho kondisaun lanu, tanba ne’e parte seguransa zero toleránsia ba aktu sira-ne’ebé konsidera krime, sé mak halo violensia, nia mós sei simu hasoru violénsia,” Komandante PNTL Baucau hateten iha Vila Nova, sesta ne’e.

António akresenta, hafoin aumenta membru PNTL hosi nasionál ba komandu Baucau ne’ebé deskloka ba terrenu sufiseinte ona no reforsa mós hosi FALINTIL-FDTL komponente terrestre Baucau.

Superintendente António husu kolaborasaun ba autoridade lokál sira atu nafatin serbisu hamutuk kolabora, komunika ho parte autoridade seguransa nune’e kria ambiente pás no hakmatek.

Membru PNTL sei destaka iha membru na’in-rua ba sentru votasaun hosi tótal 125 no estasaun votu hamutuk 150 hodi asegura seguransa durante oras 24 nia laran to’o mobiliza hikas urna to’o iha munisípiu hodi kontinua hala’o apuramentu munisípiu.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!