NASIONÁL, ELEISAUN, HEADLINE

Hermes Barros: ”tau konfiansa ba povu sei fó votu ho kualidade”

Hermes Barros: ”tau konfiansa ba povu sei fó votu ho kualidade”

Kandidatu Prezidente Repúblika independente ba períodu 2022-2027, Hermes da Rosa Correia Barros, ezerse ona ninia votu iha Eskola EBF Ai-turi laran Temporál, suku Lahane Osidentál, sábadu (19/03). Imajen TATOLI/Tomé Amado

DILI, 19 marsu 2022 (TATOLI)–Kandidatu Prezidente Repúblika (PR) independente ba períodu 2022-2027, ho númeru sorteiu 02, Hermes da Rosa Correia Barros, tau konfiansa ba povu sei fó votu ho kualidade hodi hili Xefe Estadu ne’ebé bele hadi’a povu nia moris.

“Ha’u orgullu tebes tanba hanesan jerasaun foun ida, ohin ha’u rasik vota ba ha’u-nia an. Ha’u mós tau konfiansa tomak ba povu, liuliu juventude sira katak sei fó votu ho kualidade mai ha’u, bazeia ba programa no planu ne’ebé konkretu atu hadi’a povu no rai ida-ne’e,” Kandidatu PR Hermes Barros, hateten hafoin ezerse votu iha Eskola Ensinu Báziku Filiál (EBF) Ai-turi laran Temporál, suku Lahane Osidentál, postu administrativu Na’in-Feto, munisipiu Dili, sábadu ne’e.

Notísia relevante: Hermes Barros hakarak promove Timor-Leste ba investidór sira

Biban ne’e, nia dehan, prontu simu derota no sei apoiu fali kandidatu ne’ebé eleitu ba Prezidente Repúblika.

“Ha’u sei hakbesik-an ba kandidatura ne’ebé eleitu hodi fó ideia no planu, nune’e ajuda lori nasaun Timór ba moris di’ak,” nia akresenta.

Nia mós nota katak Eleisaun Prezidensiál tinan ne’e la’o di’ak tanba laiha ema seluk mak atu mai influénsia fali ema seluk iha sentru votasaun.

Nune’e, Hermes husu ba ninia apoiante sira iha territóriu Timór laran tenke simu rezultadu ikus, tanba nu’udar lala’ok demorasia iha país ida.

Jornalista : Tomé Amado

Editora      : Julia Chatarina

iklan
iklan

Leave a Reply

iklan
error: Content is protected !!