iklan

HEADLINE, SEGURANSA

PNTL rejista krime eleitorál tolu durante eleisaun prezidensiál

PNTL rejista krime eleitorál tolu durante eleisaun prezidensiál

Portavoz Komando Jerál PNTL, Superentendente Xefi, Armando Monteiro. Imajen Tatoli/Francisco Sony

DILI, 20 abríl 2022 (TATOLI)— Polisia Nasionál Timor-Leste (PNTL), rejista krime eleitorál tolu durante eleisaun prezidensiál segunda volta ne’ebé realiza iha 19 marsu ne’e.

Portavóz Komandu Jerál PNTL, Superintendente Xefe Armando Monteiro, informa kazu krime eleitorál tolu nee mosu iha Suku Makadiku, Viqueque no suku Hera.

Notísia relevante: Ramos Horta agradese ba povu nia konfiansa

Krime eleitorál iha suku Makadiki, postu administrativa Uatulari, munisípiu Viqueque ne’e, tanba iha tentativa perturbasaun aktu eleitorál, bainhira prosesu kontajen la’o iha sentru votasaun ida iha suku refere.

“Hafoin akontesimentu ne’e Prezidente meja husu autoridade seguransa halo kedan intervensaun. Nune’e ita nian PNTL hosi Unidade Espesiál Polisia (UEP) halo kedan intervensaun hodi rezulta UEP nian transporte mak hetan tuda. PNTL halo kedan deteisaun ba suspeitu nain-rua iha sela Komandu Munsípiu Viqueque,” Portavóz Komandu Jerál PNTL ne’e hateten liuhosi konferensia imprensa iha iha Kaurtél Jerál, Caicoli-Dili, kuarta ne’e.

Portavóz PNTL ne’e mós rejeita informasaun ne’ebé espalla iha públiku katak ema sunu uma ida iha suku Makadiki no seidauk iha relatóriu espesiál hosi komandu munisípiu Viqueque.

Iha suku Hera, Superintendente Xefe Armando dehan iha kazu rua iha sentru votasaun Hera tanba  ema deskoñesidu halo asalatu ba ofisiál eleitorál.

“Ita nia vítima nain-rua ne’e nian motorizada hetan estragu no agora kazu ne’e iha hela prosesu investigasaun Komandu PNTL Munisípiu Dili nian,” dehan Nia.

Alende ne’e, Komandu PNTL mós rejista kazu asidente tráfegu hamutuk 20 ne’ebé akontese durante kampaña eleitorál no eleisaun prezidensiál. Hosi númeru 20 ne’e, na’in-19 mak hetan asidente kamaan no óbitu ida.

Nune’e, Komandu PNTL kongratula povu Timor-Leste tanba hatudu maturidade tanba kontribui ámbitu hakmatek iha pás no estabilidade iha kampaña no eventu demokrátiku ne’e.

“Agradese ba povu Timor-Leste tanba hatudu ona maturidade durante kampaña mai too eleisaun prezidensiál, horisehik (19/04), ne’ebé la’o di’ak tebes, maske iha insidente balun, maibé ida ne’e laiha problema tanba hetan intervesaun hosi autoridade seguransa,” nia agradese.

Notísia relevante: Kontanjen votu iha eleisaun prezidensiál segunda volta lalais no di’akliu

Jornalista : Natalino Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!