DILI, ELEISAUN, HEADLINE, NASIONÁL, SEGURANSA

PNTL rejista krime eleitorál hitu iha eleisaun prezidensiál segunda volta

PNTL rejista krime eleitorál hitu iha eleisaun prezidensiál segunda volta

Komandante Jerál Polisia Nasionál Timor-Leste (PNTL), Komisáriu Faustino da Costa, hala’o pasa revista ba formatura membru PNTL sira ne’ebé atu dezloka ba munisípiu sira asegura eleisaun Prezidensiál segunda volta. Imajen/Natalino Costa.

DILI, 21 abríl 2022 (TATOLI)—Komandante Jerál Polísia Nasionál Timor-Leste (PNTL), Komisáriu Faustino da Costa, informa komandu PNTL rejista krime eleitorál hitu iha períodu eleisaun prezidensiál segunda volta hosi kampaña eleitorál to’o loron eleisaun.

Notísia Relevante: PNTL rejista krime eleitorál tolu durante eleisaun prezidensiál

PNTL RAEOA kontinua buka-tuir suspeitu sunu uma iha Ban-Afi, RAEOA. Imajen espesiál.

“Krime eleitorál ha’u bele dehan to’o ohin loron ita separa buat rua. Ida, tempu kampaña eleitorál segunda volta ne’e, ita rejista krime eleitorál hamutuk lima no iha eleisaun 19 abríl ne’e, rejista kazu boot rua hanesan iha Viqueque PNTL nia karreta mak rahun no Oé-Cusse nian uma ida mak hetan sunu,” Komandante Jerál PNTL ne’e hateten ba jornalista sira hafoin ramata enkontru semanál ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairru Pite, kinta ne’e.

Mezmu nune’e, nia informa, situasaun seguransa iha territóriu nasionál ne’e la’o normál maske mosu krime ida ka rua.

Ba krime eleitorál, PNTL koordena mós ho órgaun eleitorál hanesan Komisaun Nasionál Eleisaun (CNE, siglá portugés) ho krime seluk hodi kontinua investiga hodi rekolla evidénsia no nia prosesu daudaun ne’e la’o hela, hafoin haruka ba Ministéiru Públiku nu’udar na’in ba asaun penál hodi loke prosesu tuir mai.

Nia apela, povu Timor-Leste tomak nafatin hakmatek hodi kria pás no estabilidade, simu rezultadu eleisaun ne’ebé hotu-hotu akompaña la’o daudaun.

Durante sorumutu, Xefe Estadu fó apresiasaun boot ba estrutura no membru PNTL tomak ne’ebé hala’o knar hodi asegura no garante seguransa iha eleisaun prezidensiál iha primeira volta to’o mai segunda volta.

Notísia Relevante: PM halo koordenasaun entidade relevante asegura eleisaun segunda volta

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!