ELEISAUN, HEADLINE, INTERNASIONÁL, NASIONÁL, POLÍTIKA

Diplomata membru ASEAN kongratula Ramos Horta

Diplomata membru ASEAN kongratula Ramos Horta

Prezidente Repúblika eleitu períodu 2022-2027, José Ramos Horta, dada-lia ho Diplomata sira iha Gabinete Eis Titulár, Farol, sesta (22/04). Imajen/Espesiál

DILI, 22 abril 2022 (TATOLI)–Embaixadór sira hosi membru Asosiasaun Nasaun Sudeste Aziátiku (ASEAN, sigla inglés), sesta ne’e, hasoru malu ho Prezidente Repúblika (PR) eleitu períodu 2022-2027, José Ramos Horta, hodi hato’o mensajen kongratulasaun tanba hetan vitória iha eleisaun prezidensiál 2022.

“Biban ne’e ha’u transmite agradesimentu ba país membru ASEAN sira ne’ebé durante tinan barak apoia ita-nia adezaun ba ASEAN. Sira ida-idak reafirma apoiu no kompromisu apoia ba Timór tama ba asosiasaun. Ha’u espera iha loron 19 to’o 21 maiu delegasaun balun bele mai tan,” Horta hateten hafoin ramata reuniaun ho diplomata sira iha Gabinete Eis Titulár, Farol.

Notísia relevante: Horta simu ona felisitasaun hosi líder mundiál sira

Diplomata estranjeiru hirak ne’ebé vizita mak hanesan Embaixadór Repúblika Indonézia, Okto Dorinus Manis, Embaixadór Tailándia Ekapol Poolpipat, Embaixador Repúblika Filipina, Abdul Maid Kiram Muin, inklui Enkarregadu Negósiu Estranjeiru Brunei Darussalam, Wafi Nairul Anawar, no Enkarregadu Negósiu Embaixada Malázia, ​​Nur Hidayah Mohd.

Biban ne’e, Horta esplika ba diplomata hirak ne’e ligadu ho prosesu eleitorál ne’ebé realiza ona ona iha loron 19 abril.

“Ha’u esplika mós kona-ba sira prosesu eleitorál, ha’u fahe informasaun buat hotu la’o ho di’ak no la’o ladi’ak, tanba iha mídia sosiál espalla buat barak, maibé realidade situasaun di’ak,” nia haktuir.

Jornalista : Antónia Gusmão

Editora      : Julia Chatarina

iklan
iklan

Leave a Reply

iklan
error: Content is protected !!