iklan

BAUCAU, HEADLINE, MUNISÍPIU, SEGURANSA

PNTL intensifika pasa-revista iha Baucau

PNTL intensifika pasa-revista iha Baucau

Komandante PNTL Baucau, Superintendente António de Sá. Imajen Tatoli/Natalino Belo.

BAUCAU, 27 abríl 2022 (TATOLI) – Komandu Polísia Nasionál Timor-Leste (PNTL) munisípiu Baucau, intensifika pasa-revista ba movimentu transporte públiku hodi prevene ameasa hosi grupu deskoñesidu iha munisípiu refere.

Komandante PNTL Munisípiu Baucau, Superintendente António de Sá, esplika objetivu hosi pasa-revista ne’e tanba divulgasaun voice mail ne’ebé fó-sai iha rede sosiál whatsapp kona-ba asalta bís hosi munisípiu Lautém no Viqueque nune’e komandu Baucau halo cek point ka pasa-revista atu evita mosu vítima bainhira halo viajen hosi munisípiu ba kapitál.

Autór na’in-rua ne’ebé espalla infromasaun iha rede sosiál kaptura ona no sira seluk parte seguransa sei buka-tuir nune’e komandu munisípiu Baucau intesifika operasaun cek point iha área transporte públiku sira hotu.

“Operasaun ita kontinua hala’o atu prevene ameasa sira, liuliu informasaun ne’ebé divulga iha mídia sosiál atu labele hamosu paniku iha públiku, entaun hosi autoridade seguransa ita garante nafatin, operasaun konjunta a la’o nafatin iha terenu,” Komandante PNTL Baucau hateten iha Vila Nova, kuarta ne’e.

Objetivu seluk cek point tanba grafikamente númeru kazu asidente aas iha Baucau ne’ebé envolve direita hosi estudante sira-ne’ebé la kumpri dekretu-lei kódigu estrada hanesan la uza kapasete, dokumentu motorizada no karta kondusaun.

Diresaun tránzitu PNTL Baucau hahú hosi loron 1abríl to’o loron 26 abríl halo apreensaun ba motorizada hamutuk 44 no karreta sia no ualu mak devolve ona tanba selu kiema no hela 35 mak sei prosesa tuir dekretu-lei kódigu estrada.

PNTL Baucau rejista kazu asidente tráfegu iha Baucau hahú hosi loron 1 abríl hamutuk 12 kompostu kmaan ualu, grave rua no rezulta lakon vida na’in-rua.

Jornalista   : Natalino Belo

Editór         : Evaristo Soares Martins

iklan
iklan

Leave a Reply

iklan
error: Content is protected !!