iklan

EKONOMIA, BAUCAU, HEADLINE, MUNISÍPIU

OJE 2022: Baucau Ezekuta ona millaun $1,3

OJE 2022: Baucau Ezekuta ona millaun $1,3

Ezekusaun atuál OJE 2022 hosi diresaun sira iha Administrasaun Munisipál Baucau nian.

BAUCAU, 06 maiu 2022 (TATOLI) – Administrasaun Munisipál Baucau ezekuta ona Orsamentu Jerál Estadu (OJE) tinan fiskál 2022 ho montante millaun $1,3 ($1,278,473.40) korresponde ho 25,82% hosi totál orsamentu $4,931,124.00.

Prezidente Autoridade Munisipál (PAM) Baucau, Olivio ‘Bou-Lesa’ Freitas, orsamentu 2022 alokasaun bootliu mak rúbrika tranferénsia públika tanba programa edukasaun no formasaun ne’ebé inklui ona orsamentu merenda eskolár, tuir kedas saláriu no vensimentu.

Prezidente Autoridade Munisípiu Baucau, Olívio ‘Bou-Lesa’ Freitas. Imajen TATOLI/Natalino Belo.

“Ezekusaun ba períodu ida-ne’e iha munisípiu Baucau hosi fundu transferénsia públika no saláriu vensimentu hamutuk hotu mak atinje 25,82%,” Prezidente Autoridade Munisipál Baucau informa ba Agência Tatoli iha Vila Nova, sesta ne’e.

Orsamentu Jerál Estadu (OJE) 2022 ne’ebé promulgadu ba Autoridade Munisipál Baucau ho montante $4,931,124.00 kompostu hosi saláriu no vensimentu $1,654,506.00 bens (sasán no servisu $834.630, transferénsia públika $2,009,080.00 kapitál menór $40.000 no kapitál dezenvolvimentu $392.908.

Tuir portál transferénsia orsamentu hosi Ministériu Finansa atualiza taxa ezekusaun hosi montante $4,931,124.00, iha loron 06 maiu, tuku 13:00 atinje ona 26,4%, ne’ebé prevista ba kompromisu sira hamutuk $84,867.75, obrigasaun $22,950.00, atuál $1,278,473.40 no saldo hela $3,544,832.85.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!