HEADLINE, IMAJEN, MUNISÍPIU, OÉ-CUSSE (RAEOA), POLÍTIKA

Autoridade RAEOA prevee rihun $10 komemora loron restaurasaun independénsia

Autoridade RAEOA prevee rihun $10 komemora loron restaurasaun independénsia

Osan dolar Amérika. Imajen/Espesiál

OÉ-CUSSE, 11 maiu 2022 (TATOLI) –Autoridade Rejiaun Administrativa Espesiál Oé-Cusse Ambeno (RAEOA), foti osan rihun $10 hosi Orsamentu Jerál Estadu (OJE) 2022 hodi finansia atividade komemorasaun loron restaurasaun independénsia 20 maiu ba dala-XX.

Prezidente Komisaun Organizadora, Martinho Abani Elu, esplika, osan rihun $10 ne’e atu finansia ajenda tolu, atu realiza iha loron restausaun 20 maiu tinan ne’e.

“Ajenda dahuluk maka hasa’e bandeira no akompaña tomada pose Prezidenti Repúblika foun, daruak desportu komunitáriu realiza iha sub-rejiaun haat, tanba sei aloka membru autoridade sira atu akompaña, no ajenda ikus depois 20 maiu ita sei halo semináriu nasionál kona-ba dezenvolvimentu tinan 20, ba tranferénsia Oé-Cusse sai RAEOA, ajenda tolu ne’e hetan ona aprovasaun hosi reuniaun membru autoridade,” nia hatete iha Oé-Cusse, kuarta ne’e.

Nia informa, ajenda hasa’e bendera iha ámbitu ne’e sei iha animasaun hosi Grupu Arte Marsiál, grupu drum-band, no animasaun hosi joven sira hanesan halai karon no seluk tán.

Nune’e kontinua kedas ba semináriu nasionál, tanba autoridade sei konvida autoridade relevante sira atu partisipa másimu iha eventu ne’e, hanesan autoridade komunitáriu no lia-na’in suku 18, sosiedade sivíl, igreja, estudante no komunidade.

“Orsamentu ba ajenda tolu ne’e, ba deportu komunitáriu nia orsamentu mai hosi Sekretaria Edukasaun Juventude no Desportu (SEJD), hamutuk rihun $19-resin, serimónia hasa’e bandeira perkote rihun $10, hamutuk ho semináriu nasionál,” nia katak.

Nia esplika, modalidade tolu mak realiza deportu komunitáriu ne’e, hanesan futeból mane, voleiból ba feto mane, halai karon, dada-tali, sa’e bua, ne’ebé atividade hirak-ne’e nia prémiu alokadu ona.

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!