DILI, 16 maiu 2022 (TATOLI)–Governu liuhosi reuniaun Konsellu Ministru (KM) estraordinária segunda ne’e, aprova Dekretu-Lei, ne’ebé ne’ebé aprezenta hosi Primeiru-Ministru, Taur Matan Ruak, ne’ebé presede ba alterasaun dahuluk ba Dekretu-Lei númeru 27/2016, loron 29 juñu, kona-ba Rejime Jurídiku Gabinete Ministeriál.
“Define direitu funsionáriu no ajente administrasaun públika ne’ebé rekezita no destaka atu presta atividade iha gabinete ministeriál sira atu simu suplementu remuneratóriu ba prestasaun servisu estraordináriu,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, Palásiu Governu.
Notísia relevante: Pedidu extensaun ajente administrasaun públika tenke akompaña avaliasaun dezempeñu
Tuir Portavóz Governu, liuhosi intervensaun normativa ne’e, dezenvolve kuadru normativu iha organizasaun unidade administrasaun no finansa Gabinete Primeiru-Ministru, ne’ebé estabelese tratamenteu diferente ba Xefe Gabinete sira ba efeitu remuneratóriu.
Nune’e mós, define membru seguransa pesoál membru Governu sira, iha direitu atu simu subsídiu risku iha kondisaun hanesan, ne’ebé prevee ba seguransa pesoál Prezidente Repúblika nian.
Jornalista : Antónia Gusmão
Editora : Julia Chatarina
