iklan

HEADLINE, SEGURANSA

Komandu PNTL Ermera detein suspeitu na’in-tolu komete kazu omesídiu

Komandu PNTL Ermera detein suspeitu na’in-tolu komete kazu omesídiu

Komandante Pólisia Nasionál Timor-Leste (PNTL) Munisípiu Baucau, Superintendente Xefe Armando Monteiro. Imajen Agência TATOLI/Eugénio Perreira.

DILI, 31 maiu 2022 (TATOLI)– Komandu Polisia Nasionál Timor-Leste (PNTL), Munisípiu Ermera detein ona suspeitu na’in-tolu ne’ebé komete kazu omesídiu agravadu  hodi hakotu matebian  mane ida ho inisiál AD (23) nia vida iha aldeia Erohu, suku Ponilala, postu administrativu Ermera, munisípiu Ermera. 

Kazu omesídiu ne’e akontese, iha loron segunda (30/5), maizumenus tuku 21:00, kalan. Tanba ho  motivu dezentedimentu iha komunikasaun entre suspeitu sira ho matebian liuhosi telefónika. Tanba vítima mak liga ba suspeitu sira, maibé iha konversa ne’e parte rua la aseita malu hodi deside hasoru malu, too ikus sira hasoru malu ho emasaun nune’e rezulta suspeitu sira hakotu vítima-nian vida.

Portavóz Komandu Jerál Polísia Nasionál Timor-Leste (PNTL), Superintendente Xefe Armando Monteiro, hateten hafoin akontesimentu ne’e PNTL Ermera hola ona medida polisiál hasoru suspeitu sira.

“Komandu PNTL Ermera detein autór prinsipál mane nain-tolu ho inisiál JS (67), ADJ (54) no LDC (27). Suspeitu  nain-tolu daudaun submete ona ba investigasaun  no detein ona iha sela Komandu PNTL Ermera, durante oras 72 hafoin aprezenta ba tribunál Distritál Dili hodi halo primeiruinterrógatóriu,”Superintendente Xefe Armando hateten liuhosi konferénsia imprensa iha Kuartel Jerál PNTL, Caicoli,tersa ne’e.

Enkuantu, mate isin ADJ transporta ona mai iha Hospitál Nasionál Guido Valadares (HNGV) atu halo autópsia.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!