iklan

DESPORTU, DILI, HEADLINE, INTERNASIONÁL

Atleta Manuel Belo arranka bá EUA partisipa eventu World Athletic Championship

Atleta Manuel Belo arranka bá EUA partisipa eventu World Athletic Championship

Imajen/Espesial

DILI, 04 jullu 2022 (TATOLI)– Atleta hosi modalidade Atletizmu, Manuel Belo, hamutuk ho ekipa, segunda ne’e, arranka bá Estadu Unidu Amérika (EUA) hodi partisipa eventu World Athletics Championship OREGON22.

“Ami mai aprezenta ba Sekretáriu Estadu Juventude no Desportu (SEJD), kona-bá, ohin ami arranka bá Estadu Unidu Amérika,  hodi partisipa iha eventu World Athletics Championship OREGON22. Maibé ami sei liu bá Jakarta-Indonéoza hodi trata viza, hafoin bá EUA” Prezidente Atletizmu Timor-Leste, Afranio Xavier Amaral, hateten ba Jornalista-sira iha edifisiu SEJD, segunda ne’e.

Prezidente Federasaun Atletizmu Timor – Leste, Afrânio Xavier Amaral. Imjen Tatoli/Dok

Ekipa ne’ebé dezloka ba EUA, kompostu hosi atleta na’in-ida, ofisiál ida no akompaña direta hosi Prezidente FATL. Enkuantu atividade ne’e sei hala’o iha loron 13 to’o 21 jullu, tinan ne’e.

“Kampionatu internasionál ne’e importante tebes ba ami (FATL) tanba hanesan membru ba federasaun internasionál ne’ebé obrigatoriu atu partisipa eventu ne’e, tanba hanesan mós pra-kualifikasaun ba jogu Olympic Games Fransa iha tinan 2024,” Resposavél ne’e afirma.

Atleta Timoroan ne’e sei kompete iha kurida ho metru 800 hosi nasaun membru hamutuk 214. 

“Ami propoin orsamentu ba SEJD hamutuk $23,000, maibé SEJD aprova de’it $16,000. Laiha buat ida tanba orsamentu ne’e sufisiente atu ita bele partisipa,” nia dehan.

Hafoin partisipa iha eventu ne’e líder federasaun Atletizmu hosi nasaun 214 ne’e, sei hala’o reuniaun importante hodi diskuite kona-bá situasaun ne’ebé kada nasaun enfrenta.

Tanba ne’e, SEJD orienta atu relata kona-bá situasaun reál ne’ebé Timor-Leste hasoru liuliu iha atletizmu, hodi iha posibilidade nasaun seluk bele ajuda, nune’e bele dezenvolve fatin própriu ba Atletizmu atu halo treinamentu no seluk tan.

Notísia relevante:  FATL: Atleta Manuel Belo hetan bolsa estudu tanba prenxe kritéria

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!