Top

FATL deside atleta Felisberto bá partisipa ASEAN University Games

Atleta hosi modalidade Atletizmu Felisberto de Deus. Imajen/espesiál

DILI, 12 jullu 2022 (TATOLI)— Federasaun Atletizmu Timor-Leste (FATL) deside ona hodi atleta Felisberto de Deus no Joanito Fernandes atu bá partisipa iha ASEAN University Games 2022, ne’ebé realiza iha fulan ne’e, iha nasaun Tailándia.

“Ha’u agora prepara hela atu ba kompete iha ASEAN University Games tanba Federasaun deside ona ha’u ho kolega ida Joanito Fernandes mak ba partisipa,” dehan atleta Felisberto de Deus ba Agência TATOLI iha Jinaziu Dili, tersa ne’e.

Notísia relevante: Felisberto, atleta dahuluk hamorin Timor-Leste iha SEA Games

Atleta na’in-rua ne’e, halo hela treinamentu iha Zinájiu Dili, Estádiu Munisipál Dili no seluk tan hodi haree prestasaun atleta sira nian, atu reprezenta Timor-Leste bá iha eventu mundiál ne’e.

“Ami sei esforsu maka’as atu hatudu rezultadu di’ak iha ASEAN University Games ne’e, atu halo kontente povu Timor-Leste no hamorin nasaun nia naran,” Atleta Felisberto kompromete.

Atleta Felisberto nia prestasaun iha SEA Games Vietname foin lalais konsege oferese medalla osan mutin rua ba Timor-Leste.

Prestasaun Atleta ne’e hatudu iha kurida metru 5.000 no 10.000 no iha metru rua ne’e nia okupa hotu segundu lugar.

Jogu ASEAN University Games ne’e halo entre nasaun hotu ne’ebé hamahan-an iha organizasaun Sudeste Aziátiku ka ASEAN kompostu hosi Timor-Leste, Tailándia, Filipina, Myanmar, Vietname, Cambodia, Laos, Malázia, Singapura, Brunei no Indonézia.

Jogu ne’e sei partisipa direta hosi Universidade hotu iha nasaun ne’ebé halibuar an iha ASEAN. Enkuatu Timor-Leste hetan oportunidade ba modalidade neen mak sei ba partisipa mak hanesan, Atletizmu, Voliból-Praia, Xadres, Taekwondo no Futeból.

Notísia relevante:  FATL sei selesiona atleta na’in-rua partisipa ASEAN University Games 

TL hahú prepara partisipa ASEAN University Games iha Tailándia

Jornalista: Hortencio Sanchez

Editór       : Florencio Miranda Ximenes

Publisidade

Leave a Reply

Latest Post

error: Content is protected !!