DESPORTU, DILI, HEADLINE

Derrota iha Kopa AFF, Treinadór ekipa U-19 rekoñese falla iha parte defeza

Derrota iha Kopa AFF, Treinadór ekipa U-19 rekoñese falla iha parte defeza

Ekipa selesaun nasionál U-19. Imajen/espesiál

DILI, 20 jullu 2022 (TATOLI)— Treinadór prinsipál selesaun nasionál U-19 Timor-Leste, Eduardo Pereira, rekoñese derrota iha jogu kopa ASEAN Football Federation (AFF) 2022 iha Jakarta-Indonézia tanba falansu hosi parte defeza ne’ebé ladun halo vizilánsia másima.

“Ha’u rekoñese no loos duni no sai razaun ida ne’ebé kontribui ita lakon iha kopa AFF. Ha’u haree iha jogu primeiru mak jogadór ida nia jogu di’ak, ha’u sei hatun nafatin nia, maibé iha jogu sira ikus mai nia hatudu prestasaun ladun di’ak ida ne’e sala duni,” Treinadór prinsipál ne’e hateten ba Agência TATOLI iha edifisiu FFTL, kuarta ne’e.

Notísia relevante:  Falla iha defeza, Timor-Leste derrota iha Kopa AFF U-19

Nia dehan iha jogu dahuluk Timor-Leste lakon ho Laos  (eskore 2-0) no daruak mánan Singapura (eskore 1-0), ne’e hatudu prestasaun di’ak, maibé jogu hasoru Malázia mak liña defeza nia prestasaun tuun, nune’e Timor – Leste tenke sofre 3-2. Enkuantu jogu ikus hasoru Kamboja ne’e parte defeza hahú hatudu fali prestasaun, nune’e konsege mánan (eskore 4-1).

Fatór seluk ne’ebé kontribui  derrota, Eduardo Pereira, dehan halo proposta submete ba Federasaun Futeból Timor-Leste (FFTL) atu ekipa ne’ebé nia lidera ba halo jogu amigavél dala rua ou tolu iha nasaun li’ur no aproveita halo kedan Training Camp (TC), hodi jogadór sira bele kontroladu, maibé laiha desizaun ruma to’o ekipa arranka bá Jakarta-Indonézia.

Notísia relevante:  Kopa AFF U-19, TL “dere” Singapura 1-0

“Tanba, se ita husik sira iha Timór de’it no husik sira namkari iha ida-idak nia uma ne’e, sé mak kontrola ne’ebé ikus mai nia konsekuénsia mak Timor-Leste tenke lakon iha jogu futeból iha eventu rejionál ne’e,” nia afirma. hanesan ne’e,” nia relata.

Alende ne’e, Treinadór ne’e afirma tan kampu treinamentu ba jogadór sira iha Timor-Leste mós la másimu hanesan uluk, nune’e hanesan treinadór hatoo pedidu ba FFTL hodi submete ba Sekretáriu Estadu Juventude no Desportu (SEJD) atu jogadór sira halo treinamentu iha Estádiu Munisipál Dili, maibé la hetan aprovasaun too jogadór sira arranka tuir kompetisaun futeból ne’e.

Entretantu, difikuldade seluk ne’ebé ekipa U-19 hasoru iha Jakarta Indonezia mak jogadór prinsipál na’in-tolu hanesan Gustavo afetadu pozitivu COVID-19 no Jagadór Natalino no Ziva hetan aleiza bainhira halo treinamentu iha kampu.

Notísia relevante:  Kopa AFF U-19, ekipa TL termina jogu ho mánan kontra Kamboja 4-1

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!