HEADLINE, OÉ-CUSSE (RAEOA)

Andrew Jacobs: TATOLI tenke kontinua hadi’a kualidade notísia

Andrew Jacobs: TATOLI tenke kontinua hadi’a kualidade notísia

Embaixador da União Europeia, Andrew Jacobs. Imajen Tatoli/Francisco Sony

DILI, 25 jullu 2022 (TATOLI)– Embaxadór Uniaun Europeia (UE) iha Timor – Leste, Andrew Jacobs, rekomenda ba Agência Notisioza Timor-Leste TATOLI Institutu Públiku (TATOLI,I.P) atu kontinua  hadi’a ka mellora di’ak liután kualidade informasaun ka notísia sira atu sidadaun hotu bele asesu hodi kontribui ba dezenvolvimentu iha Timor-Leste.

Embaixadór UE hato’o mensajen ne’e relasiona ho Agência TATOLI ninia aniversáriu ba dahaat ne’ebé maka sei selebra iha loron 27 fulan-jullu 2022.

“Ha’u felisita no agradese TATOLI tanba durante ne’e servisu hamutuk ho ami, liuliu kobre ami nia-atividade ho másimu tebes,” Embaixadór Uniaun Europeia (EU) ne’e hateten ba Agência TATOLI foin lalais ne’e.

Notísia relevante:PR Horta enkoraja TATOLI kontinua públika informasaun loos ba públiku  

Daudaun, Embaixadór Andrew Jacobs dehan Agência TATOLI hakat ona ba oin tanba kada-loron , nia-parte sempre akompaña notisia hotu ne’ebé públika iha TATOLI, liuliu iha lian Tetun, Portugés, Inglés no Bahasa Indonézia.

“Ha’u kontente bele lee notisia sira iha portál TATOLI nian liuliu Portugés no Inglés. Maibé, husu nafatin atu kontinua hadi’a liután kualidade informasaun, hodi fó informasaun di’ak ba sidadaun hotu hodi hatene no kontribui ba prosesu dezenvolvimentu nasionál,” nia rekomenda.

Agência TATOLI sai hanesan fonte ofisiál informasaun, ne’ebé na’in hosi Agência ne’e mak Estadu Timor-Leste. Hanesan mós agência Notisioza sira seluk iha Mundu, TATOLI mai ho Papél ida atu halo kobertura no fahe informasaun importante ho lalais, akuradu ba territóriu no mós mundu.

TATOLI ezista bazeia ba desizaun Konsellu ministru, loron 3 fevereiru 2016, ne’ebé konsagra iha akta númeru 9/2016, no públika iha pájina Jornál Repúblika, iha loron 16 marsu 2016.

Instrumentu atu alkansa mak liuhosi vizaun no misaun TATOLI nia, mak TATOLI sai hanesan fonte úniku ba informasaun nasionál ho kredivél, kualdiade ba benefísiu sidadaun Timor-Leste.

TATOLI nu’udar ajénsia notísia Timor-Leste ho karakter multikanál, multimedia, multiplataforma no multitarefa ne’ebé bele mós dezenvolvidu no iha funsaun nu’udar sentru produsaun filme no dokumentasaun nasaun, sentru opiniaun públiku nomós fórum informasaun públiku, sentru jestaun arkivu no dokumentu nasaun nomós sentru edukasaun-formasaun peskiza no dezenvolvimentu komunikasaun aplikada.

Daudaun, Agência TATOLI oferese notísia liuhosi lian haat hanesan, Tetun, Portugés, Inglés no Indonézia inklui mós halo públikasaun video sira liuhosi kanál Youtube.

Notísia relevante:WFP: TATOLI tenke kontinua fó informasaun di’ak ba ema hotu

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!