HEADLINE, JUSTISA

TDD aplika TIR ba eis Prezidente partidu FM Egídio de Jesus

TDD aplika TIR ba eis Prezidente partidu FM Egídio de Jesus

Tribunál Distritál Dili (TDD,sigla Portugés), segunda ne’e, liuhosi interrogatóriu dahuluk, deside aplika Termu Identidade Rezidénsia (TIR) ba arguidu eis Prezidente Partidu Frente Mudansa Egídio de Jesus Amaral. Imajen/ Natalino Costa

DILI, 25 jullu 2022 (TATOLI)- Tribunál Distritál Dili (TDD,sigla Portugés), segunda ne’e, liuhosi interrogatóriu dahuluk, deside aplika Termu Identidade Rezidénsia (TIR) ba arguidu eis Prezidente Partidu Frente Mudansa Egídio de Jesus Amaral.

Arguidu eis Prezidente Partidu Frente Mudansa (FM), Egídio de Jesus Amaral hetan detensaun hosi Polisia Serbisu Investigasaun Kriminál Nasionál (PNSIK), iha sábadu (23/7), tuku 9:45, dadeer iha nia rezidénsia Likintae suku Taibesi Dili.

Notísia relevante:  PNSIK detein eis Prezidente partidu Frente Mudansa EA

PNSIK halo detensaun ba arguidu Egídio de Jesus bazeia ba mandadu detensaun apreensaun no buska hosi Tribunál Distritál Dili tanba deskonfia envolve iha kazu korrupsaun iha partidu ne’ebé maka antes ne’e arguidu rasik lidera.

Ho nune’e, PNSIK implementa hodi halo detensaun no ba arguidu durante oras 72 nia laran, molok submete ba prosesu primeiru interrogatóriu.

Iha sala julgamentu, Ministériu Públik  promove arguidu Egídio de Jesus Amaral, ba kazu krime furtu agravadu artigu 252 no krime dezovidensia artigu 244  hosi kódig penál  Timor-Leste.

Durante julgamentu MP husu ba TDD atu aplika medida koasaun nesasáriu no adekuandu tanba arguidu  iha indisiu  na’ok osan no  uza fasilidade partidu ba nia interese privadu.

Hafoin rona tiha parte rua entre Ministériu Públiku no parte Defeza, Tribunál aplika medida koasaun Termu Identidade Rezidensia (TIR) ba arguidu Egídio de Jesus Amaral.

Nune’e, nia dehan hanesan Defeza nia parte simu desizaun ne’ebé tribunál aplika ba nia arguidu hodi hein fali prosesu tuir mai kuandu hetan tan faktu balun.

“TIR ida hanesan parte Defeza ha’u simu, hodi husik ha’u nia kliente hela iha uma. Nune’e  kuandu iha kestaun nesesáriu balun ne’ebé iha indísiu hosi tribunál, bele bolu fali ha’u nia kliente  hodi tuir fali julgamentu.Tanba prosesu ba ha’u nia kliente seidauk hotu no sei kontinua,” Advogadu Privadu  ne’e esplika.

Audénsia julgamentu ne’e julgamentu ne’e prezide hosi Juís singular, Ana Paula Fonseca,Ministériu Públiku reprezenta hosi Prokuradór Nelson Carvalho, Arguidu hetan asisténsia hosi Advogadu Privadu Martinho da Silva Guterres.

Jornalista: Natalino Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!