DESPORTU, DILI, HEADLINE

Fulan ne’e, PSHT gradua membru foun na’in-8.800

Fulan ne’e, PSHT gradua membru foun na’in-8.800

Membru foun PSHT halo atrasaun hela iha ámbitu re-abertura organizasaun refere iha Jináziu Maliana. Imajen Tatoli/Sérgio da Cruz.

DILI, 01 agostu 2022 (TATOLI)– Prezidente Organizasaun Grupu Arte Marsiál (GAM), Persaudaraan Setia Hati Terrate (PSHT), Baltazar Lemos, informa hahú preparadu atu realiza graduasaun ba membru foun hamutuk 8.800, iha territóriu nasionál hahú hosi loron 18 to’o 21 agostu tinan ne’e.

“Daudaun, ami preparadu hela atu realiza graduasaun ba membru foun sira, agora halo test jago ba membru foun sira nian iha territóriu nasionál hotu atu prepara ba tuir graduasaun,” Prezidente PSHT ne’e hateten ba Agência TATOLI via media sosiál, segunda ne’e.

Teste jago ba membru foun sira nu’udar tradisaun ba PSHT bainhira atu tuir graduasaun sai membru permanente iha organizasaun GAM ne’e.

Iha biban seluk, Prezidente Komisaun Reguladora Arte Marsiál (KRAM), Octaviano da Conceição, hateten nia-parte servisu hamutuk ho liderasna PSHT nian no garante sei realiza duni graduasaun iha agostu ne’e.

“Hahú ohin sira halo test jago ona ba membru foun sira, ne’ebé tuir lista aprezenta mai ami hamutuk membru foun na’in-8.800 mak tuir graduasaun,” nia afirma.

KRAM halo ona koordenasaun servisu ba membru sira kada rejiaun, hanesan parte Leste kompostu hosi Baucau, Lautém, Viqueque no Manatuto, Parte sul mak Manufahi, Covalima, Aileu no Ainaro no parte norte mak Dili, Liquiça, Ermera no Rejiaun Administrativu Espesiál Oé-cusse no Ambeno (RAEOA) inklui munisípiu Bobonaro sei halo graduasaun mesak.

“Koordenasaun ita halao ona, servisu hamutuk ho Polisia Nasionál Timor-Leste (PNTL) hodi entrega lista graduadu sira nian, maibé depende ba desizaun komandu nian atu orienta membru sira hodi halo seguransa,” nia relata.

Tuir dadus ne’ebé iha dewan pengesahan atu fó graduasaun ba membru foun sira mai hosi Indonézia na’in-113 ne’ebé sei to’o iha Timor -Leste iha tempu besik.

Regulamentu ne’ebé fó ba membru sira sei la tau farda arbiru iha dalan ninin durante tempu graduasaun, se membru sira la kumpre mak PNTL sei halo detensaun.

Jornalista: Hortencio Sanchez

Editór       : Florecio Miranda Ximenes

iklan
iklan

Leave a Reply

iklan
error: Content is protected !!