DILI, EDUKASAUN, HEADLINE, NASIONÁL

MEJD rejista labarik 80 preparadu partisipa programa eskola iha uma

MEJD rejista labarik 80 preparadu partisipa programa eskola iha uma

Atividade programa eskola iha uma. Imajen/MEJD

DILI, 01 agostu 2022 (TATOLI)–Diretór Nasionál Edukasaun Pre-Eskolár (DNEPE), Tomas Pereira, deklara katak Ministériu Edukasaun Juventude no Desportu (MEJD) rejista ona dadus provizóriu labarik na’in-80 hosi suku Bebonuk no Madohi prontu ona partisipa atividade eskola iha uma.

“Ha’u kalkula aprosima hosi dadus labarik sira, ita konsege rejista ona na’in-80 hosi sentru neen iha suku rua, maibé dadus sira ne’e sei provizóriu hela tanba prosesu rekolla dadus iha kada sentru ne’e sei la’o hela bainhira to’o tempu ramata ona maka ita foin verifika loloos,” Diretór informa iha ninia knaar fatin, Vila Verde, segunda ne’e.

Sentru ne’ebé identifikadu ona, hosi suku Bebenuk iha sentru haat mak hanesan sentru rua iha sede suku ne’ebé kobre aldeia metin I no metin II, sentru ida kobre aldeia metin IV, no sentru ida fali kobre aldeia 20 setembru no suku Madohi iha sentru rua ida iha sede suku Madohi, ida seluk iha aldeia Loromatan.

Notísia relevante: MEJD deside profesór voluntáriu 470 apoiu programa eskola iha uma

Tuir Diretór, programa eskola iha uma hahú hatudu ona rezultadu tanba hosi sentru sira ne’ebé identifikadu iha suku rua ne’e atividade iha sentru rua ne’ebé kobre aldeia Loromatan suku madohi no sentru ida iha sede suku Bebonuk ne’ebé kobre aldeia metin I no Metin II inklui metin IV no 20 setembru hahú ona aula ba labarik sira iha loron 25 jullu liubá.

Enkuantu, Iha aldeia Naroman no aldeia Beto Leste, suku Madohi maka prosesu rejistu ba labarik sira hahú la’o hela no konsege rekolla ona labarik hamutuk 26, ne’ebé hosi aldeia Naroman iha 21 no aldeia Beto Leste iha labarik na’in-lima.

Tuir informasaun ne’ebé ha’u simu katak hahú loron 02 agostu, atividade aula ba labarik sira sei hahú. Ha’u mós foin halo vizita ba suku Bebonuk no Madohi, ha’u haree atividade aula hahú ona inklui prosesu rejistu mós kontinua la’o nafatin.

Atividade ne’e hetan ona apoiu hosi profesór kontratadu hamutuk na’in-17, ne’ebé MEJD rejista iha fulan kotuk hodi apoiu programa iha sentru identifikadu neen iha suku rua no profesór sira ne’e destaka iha sentru lima, ne’ebé kada sentru iha ema na’in-tolu no sentru ida maka na’in-rua.

Hosi parte Leste nian, prosesu selesaun ba sentru sira bazeia ba dadus labarik sira sei la’o hela, ne’ebé sira-nia atividade seidauk determina bainhira maka atu realiza, maibé atividade ba programa eskola iha uma ne’e sei termina ninia progresu hotu iha dezembru tinan ne’e.

Bainhira programa ne’e atu realiza, antes ne’e halo ona diskusaun rigrozu no apoiu hosi líder komunitáriu inklui administradór postu no prezidente autoridade sira  iha loron 21-22 juñu liu ba.

Nune’e, bainhira diskusaun ne’e ramata, parte MEJD hamutuk filafali ho líder komunitáriu sira inklui Diretór Servisu Edukasaun Munisípiu Dili ba halo observasaun ba fatin sira, maibé antes ne’e ministériu fó fiar ba autoridade suku sira hodi halo uluk identifikasaun ba númeru alunu sira ne’ebé atu partisipa programa eskola iha uma ne’e.

Bainhira númeru labarik sira hosi aldeia sufisiente ona, MEJD bele foti desizaun hodi hala’o ona prosesu ensinu aprendizajen ba labarik sira liuhosi atividade eskola iha uma, ne’ebé iha jullu liu ba MEJD halo filafali diskusaun ho autoridade komunitária iha suku Bebonuk no Madohi.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!