DESPORTU, DILI, HEADLINE

KRAM planu sensibiliza regra GAM ba timoroan iha Inglaterra

KRAM planu sensibiliza regra GAM ba timoroan iha Inglaterra

Prezidente Komisaun Reguladora Arte Marsiais (KRAM), Octavio da Conceição "Anus". Imajen Tatoli/Francisco Sony

DILI, 02 agostu 2022 (TATOLI)— Komisaun Reguladór Arte Marsiál Timor-Leste (KRAM), iha ona planu atu halo sensibilizasaun regra Grupu Arte Marsiál (GAM) ba Timoroan sira ne’ebé halo serbisu iha Inglaterra.

“Atu hamenus konfrontu iha Inglaterr, KRAM iha ona planu atu bá halo sosializasaun lei KRAM nian ba joven sira ne’ebé envolve iha organizasaun Arte Marsiál sira hanesan Persaudaraan Setia Hati Terrate (PSHT), KORK no IKS ne’ebé dadaun ne’e hela iha Reinu Unidu atu bele evita problema ka konflitu iha ne’ebá,” Prezidente Komisaun Reguladóra Arte Marsial (KRAM), Octaviano da Conceição, hateten ba Agência TATOLI, foin lalais ne’e.

Iha sensibilizasaun ne’e, nia dehan sei introdús rezolusaun Governu númeru 4/2020, 2 marsu, ne’ebé revoga tiha rezolusaun númeru 16/2013 hodi fó informasaun ba joven sira ne’ebé envolve iha GAM tolu hanesan, Persaudaraan Setia Hati Terate (PSHT), Ikatan Keluarga Silat (IKS) Timor-Leste ho Kmanek Oan Rai Klaran (KORK) bele kumpre regra sira-ne’e.

Nune’e, Responsavél ne’e konsidera konfrontu entre joven sira iha Inglaterra ne’e hanesan problema individu la’ós problema ne’ebé envolve hosi Grupu Arte Marsiál (GAM).

“Atu krime ne’ebé ita nia joven sira halo iha Inglaterra ne’e problema individu la’ós envolve Arte Marsial, problema mosu entre individu ida-idak mak definisaun ba Arte Marsial, maibé la’ós Arte Marsiál mak sai hun ba konfrontu ne’e,” nia afirma.

Nia dehan, bainhira problema mosu iha fatin treinamentu GAM nian ou individu uza farda mak konsidera GAM mak halo, maibé individu la presiza temi to’o grupu.

Tuir informasaun ne’ebé KRAM hetan hosi Inglaterra individu ka joven sira ne’ebé envolve konfrontu ne’e iha hela prosesu investigasaun hosi Polísia Inglaterra nian tanba komete asaltu malu to’o sidadaun balun kanek todan.

Konfrontu entre joven timoroan sira ne’e akontese iha semana kotuk ne’ebé rezulta sidadaun ida kanek todan iha parte ulun.

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!