EKONOMIA, HEADLINE

Empreza Comve no Funan Santalum sei hasa’e produsaun manu DOC iha rai-laran

Empreza Comve no Funan Santalum sei hasa’e produsaun manu DOC iha rai-laran

Manu DOC. Imajen/Espesiál

DILI, 05 agostu 2022 (TATOLI)—Empreza Comve, Lda no Funan Santalum, Unip. Lda, komprometidu sei hasa’e investimentu produsaun manu Day Old Chick (DOC) iha rai-laran.

“Empreza rua ne’e hamutuk ho sira-nia parseiru, hahú investimentu ba ekipamentu ℎ𝑎𝑡𝑐ℎ𝑒𝑟𝑦 hanesan lu’ut manu-tolun hodi prodús manu-oan ne’ebé sei realiza iha munisípiu Liquiçá,” Diretór Ezekutivu TradeInvest Timor-Leste, Arcanjo da Silva, hateten liuhosi nota ne’ebé Agência Tatoli asesu, sesta ne’e.

H𝑎𝑡𝑐ℎ𝑒𝑟𝑦 ka pontu asesu ne’e rasik hanesan fatin rai manu-tolun ne’ebé ho kondisaun artifisiál, espesialmente hanesan ba ikan nia tolun no ba tartagura nia tolun.

Diretór hato’o nia solisitasaun ba empreza nasionál ne’e tanba iha vontade no planu negósiu rasik hodi kontribui ba prosesu dezenvolvimentu hodi bele hasa’e kresimentu ekonómiku ne’ebé sustentável iha Timor-Leste.

Notísia relevante: Empreza estranjeiru prodús manu DOC iha Timor-Leste kolabora ho distribuidór 1.020

Empreza rua ne’e kontinua halo atualizasaun ba Ajénsia TradeInvest Timor-Leste hodi garante katak nafatin iha informasaun hodi bele akompaña no fasilita investimentu nasionál ne’e tuir Lei Investimentu Privadu númeru 15/2017 no dekretu Governu númeru 2/2018 kona-ba regulamentu no prosedimentu investimentu privadu nian.

Empreza Comve, Lda no Funan Santalum, Unip. Lda rasik hanesan empreza nasionál, ho deklarasaun benefísiu ne’ebé Governu liuhosi TradeInvest atribui iha tinan 2020, ne’ebé investe ona iha setór pekuária hanesan hakiak manu broiller iha munisípiu Lautém no Liquiçá.

Orsamentu ne’ebé empreza rua halo investimentu, hosi Comve, Lda rasik hamutuk $100.000 fatin iha Titilari Fuiloro, munisípiu Lautém no empreza Funan Santalum, Unip. Lda investe $145.778 iha Loes, munisípiu Liquiçá.

Jornalista   : Arminda Fonseca

Editora        : Julia Chatarina      

iklan
iklan

Leave a Reply

iklan
error: Content is protected !!