BOBONARO, EDUKASAUN, HEADLINE, MUNISÍPIU

EBF foun tolu iha Atabae-Balibo sei inaugura iha setembru

EBF foun tolu iha Atabae-Balibo sei inaugura iha setembru

Diretór Servisu Edukasaun Munisípiu Bobonaro Crispim Moniz. Imajen Tatoli/Sérgio da Cruz.

BOBONARO, 10 agostu 2022 (TATOLI) – Diretór servisu edukasaun munisípiu Bobonaro, Crispim Moniz, hateten projetu konstrusaun ensinu báziku filiál (EBF) foun hamutuk tolu iha postu administrativu Atabae no Balibo, ne’ebé apoia hosi parseiru dezenvolvimentu hosi Australia sei inaugura iha fulan-setembru tinan 2022.

Dirijente edukasaun munisípiu ne’e haktuir, iha tinan 2022 ne’e munisípiu Bobonaro hetan projetu foun hosi Ministériu Edukasaun, Juventude no Desportu (MEJD) hamutuk 25, kompostu hosi projetu karáter komunitária 21, liuhosi konkursu haat no projetu neen apoia hosi parseiru dezenvolvimentu Austrália.

“Ita hetan apoia hosi parseiru Espenintual Austrália hamutuk eskola neen, tolu inaguradu no tolu seluk sei inaugura entre 26 ka 27 setembru. Eskola tolu ne’e iha Balibo mak hanesan, EBF Buding, Kuitapu no ida tán iha Atabae nian,” nia informa ba Jornalista sira, iha kna’ar-fatin, tersa ne’e.

Nune’e mós Embaxada Japaun iha Timor-Leste liuhosi  Japan International Cooperation Agency (JICA) míos apoia konstrusaun eskola foun ne’ebé implementa iha postu administrativu Bobonaro hamutuk rua, ida iha Tai-Mea konklui ona konstrusaun no ida seluk iha Anapal mak sei iha hela prosesu konstrusaun.

Crispim akresenta, ba oin edukasaun munisípiu Bobonaro kontinua koordena ho parseiru dezenvolvimentu sira hanesan JICA, Espenintual Australia no seluk tán atubele apoia tán halo konstrusaun iha tinan 2023 ba eskola ne’ebé ninia kondisaun ladi’ak.

“Tinan oin, Japaun ho Austrália sei kontinua apoiu, ne’e duni ita presiza kontinua identifika no kontinua relata dadus ba Ministériu Edukasaun, Juventude no Desportu, no ba prezidente autoridade munisípiu atu inklui iha PDIM (Programa Dezenvolvimentu Integradu Munisipál) nian,” nia hateten.

Tanba tuir dekretu lei númeru 03/2016 katak servisu edukasaun munisipiu tutela iha autoridade munisípál nia okos.

Tuir dadus munisípiu Bobonaro daudaun ne’e iha ensinu bázika filiál (EBF) hamutuk 112, ensinu bázika sentrál (EBC, sigla portugés) 30, ensinu sekundáriu jerál (ESG, sigla portugés) hitu no ensinu tékniku vokasionál (TEKVOK) hamutuk ualu.

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!