DESPORTU, HEADLINE, MUNISÍPIU, VIQUEQUE

ESJ 04 setembru Viqueque inisiativa realiza atividade desportiva komemora loron istóriku

ESJ 04 setembru Viqueque inisiativa realiza atividade desportiva komemora loron istóriku

Atividade desportiva iha ámbitu selebrasaun loron istóriuku, iha kampu Buanurak, kinta (11/08). Imajen Tatoli/Vitorino Lopes da Costa

VIQUEQUE, 11 agostu 2022 (TATOLI)—Eskola Ensinu Sekundáriu Jerál (ESJ) 04 setembru Viqueque ho inisiativa realiza desportiva hodi komemora loron istóriku Timor-Leste hanesan loron FALINTIL ba dala-47 no konsulta populár iha loron 30 agostu no rezultadu eleisaun 04 setembru.

“Komemorasaun loron istória ba luta libertasaun importante ba ita hotu. Tanba ne’e, ami ho inisiativa hamutuk ho profesór sira realiza atividade desportiva futeból hodi komemora loron istóriku sira,” Diretór ESJ 04 setembru, Vírisimo Marques da Silva, hateten ba Agência Tatoli, iha kampu Buanurak, kinta ne’e.

Tuir Diretór, FALINTIL sai osan mean no osan mutin ba povu tanba karik instituisaun defeza ne’e laiha, hanesan loron 15 outubru 1975 inimigu tama Balibo no loron 07 dezembru 1975 hanesan invazór sira tama iha Dili.

“FALINTIL maka nu’udar liman kroat povu nian. Tanba ne’e, ami profesór sira hanoin ida-ne’e loron istóriku ne’e hanesan loron importante,” nia akresenta.

Notísia relevante: Governu autoriza realiza hikas atividade desportiva iha Dili

Komemorasaun ida-ne’e ho objetivu atu fó onra no gloria ba éroi mártires ne’ebé mate no balun sei moris.

“Hatudu ba jerasaun foun sira liuhosi halo atividade iha eskola, nune’e istória bele moris nafatin iha jerasaun foun sira-nia fuan. Tanba ne’e, ami realiza jogu futeból feto no mane ne’ebé partisipa hosi funsionáriu sira iha munisípiu Viqueque,” nia tenik.

Komisaun laiha orsamentu ba komemorasaun ba loron istóriku sira liuhosi atividade desportiva,

“Ami mós prepara ona pedidu hodi husu apoiu ba veteranu no instituisaun sira iha munisípiu Viqueque. Jogu desportiva ne’e ami tau tasa rotativa ba FALINTIL cup,” nia dehan.

Realizasaun jogu futeból ba feto no mane hahú abertura ona iha loron 07 agostu 2012, ne’ebé hetan partisipasaun hosi klube hamutuk 15, ne’ebé envolve hosi funsionáriu sira hosi eskola no instituisaun sira iha munisípiu Viqueque.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!