iklan

DESPORTU, DILI, HEADLINE

SEJD apoia $10.000 ba FBATL realiza kampionatu nasionál

SEJD apoia $10.000 ba FBATL realiza kampionatu nasionál

Kampionatu Nasionál Boxe Amadora 2019 iha Jináziu Dili. Imajen espesiál

DILI, 03 setembru 2022 (TATOLI)—Sekretáriu Estadu Juventude no Desportu (SEJD) aprova ona proposta ho fundu $10.000, atu apoia ba Federasaun Boxe Amadora Timor-Leste (FBATL) , hodi realiza kampionatu nasionál, iha fulan ne’e.

Diretora Nasionál Alta Kompetisaun iha Sekretáriu Estadu Juventude no Desportu (SEJD), Maria Luisa Monteiro, informa sira nia parte aprova ona orsamentu $10.000 ba FBATL hodi realiza kampionatu nasionál iha setembru nia laran.

“Iha setembru ne’e, FBATL halo kampionatu nasionál, nune’e SEJD aprova sira nia proposta atu apoia orsamentu $10.000 ba sira hodi bele fasilita sira-nia atividade”, dehan Diretora ne’e ba Agência TATOLI, via telefónika, sábadu ne’e.

Loloos FBATL realiza ona kampionatu nasionál ne’e, ohin (03/09), maibé tanba Jináziu Dili sei halo manutensaun, nune’e atividade adia ba loron seluk iha fulan setembru nia-laran. “Kalendáriu foun sira seidauk submete mai SEJD, bainhira submete ona ami sei fó sai ba públiku”, nia relata.

SEJD apoia fundu ne’e ho objetivu atu FBATL eleva talentu timor-oan sira nia iha modalidade boxe no liuliu hamosu atleta ka boxista sira ho kualidade hodi kompete iha nivel nasionál no internasionál.

Ho asuntu ne’e, TATOLI tenta konfirma ho parte FBATL nian seidauk fó informasaun tanba okupadu ho servisu esensiál balun no sei fó informasaun iha tempu besik kona-ba sira nia preparasaun.

Jornalista  : Hortencio Sanchez

Editór         : Florencio Miranda Ximenes

iklan
iklan

Leave a Reply

iklan
error: Content is protected !!