iklan

HEADLINE, SAÚDE

Agostu, pasiente na’in-sia mate iha sala emerjénsia HNGV

Agostu, pasiente na’in-sia mate iha sala emerjénsia HNGV

Hospital Nasionál Gidu Valadares (HNGV). Imajen Tatoli/Francisco Sony

DILI,07 setembru 2022 (TATOLI)— Xefe Departamentu Emerjénsia iha Hospitál Nasionál Guido Valadares (HNGV), Falvio José Boavida, hateten iha fulan agostu, pasiente na’in-sia mak mate iha sala emerjénsia Hospitál Nasionál Guido Valadares (HNGV) tanba moras komplikadu no asidente tráfegu.

”Iha agostu, pasiente na’in-sira mak mate iha sala emerjénsia no pasiente ne’ebé mate hosi uma mak to’o iha hospital na’in-13,”Xefe Departamentu Emerjénsia ne’e hateten iha kna’ar fatin Bidau, kuarta ne’e.

”Ita hotu hatene katak kazu asidente tráfegu ne’e maioria vítima sira mate fatin, maibé lori mai ita rejistu nafatin no balun bainhira hetan asidente trauma entaun familia sira lori mai mak hafoin mate iha ne’e”.

Iha agostu sala emerjénsia rejista pasiente na’in-4,794, hosi kazu sira ne’e 25% mak baixa iha sala pediatria, sirurjia, medisina interna, no mós maternidade.

Iha semana dahuluk fulan-setembru sala emerjénsia rejista pasiente sira ne’ebé mai halo tratamentu hamutuk 740, kazu maioria inan-isin rua ne’ebé baixa iha maternidade no tuir fali mak kazu medisina interna ne’ebé konsidera kazu espesializasaun.

”Nune’e mós iha semana ida ne’e ita rejista kazu asidente tráfegu ho motór hamutuk 28, kompostu hosi mane 17 no feto 11 inklui asidente karreta iha na’in-ida,” nia afirma.

Sala emerjénsia rejista kazu violénsia fíziku sosiál ne’ebé tuda malu hamutuk 11, hosi númeru ne’e feto na’in lima no mane na’in-neen.

Jornalista : Felicidade Ximenes

Editór     : Florencio Miranda Ximenes

iklan
iklan

Leave a Reply

iklan
error: Content is protected !!