iklan

DESPORTU, DILI, HEADLINE

Estrutura IKSP-TL deside suspende provizóriu atividade treinu iha territóriu nasionál

Estrutura IKSP-TL deside suspende provizóriu atividade treinu iha territóriu nasionál

Prezidente Ikatan Keluarga Silat Putera Timor-Leste (IKSP-TL), Silvestre Sufa,

DILI, 07 setembru 2022 (TATOLI)– Estrutura Ikatan Keluarga Silat Putera Timor-Leste (IKSP-TL), hasai ona karta sikulár hodi suspende provizóriu atividade treinu iha territóriu nasionál hodi koopera ho ekipa operasaun konjunta entre FALINTIL-Forsa Armada Timor-Leste (F-DTL) no Polísia Nasionál Timor-Leste (PNTL) atu garante pás no estabilidade iha territóriu nasionál.

Estrutura IKSP-TL hatun karta sikulár ho baze ba despaisu konjunta entre Ministru Interior no Ministru Defeza ne’ebe públika ona iha jornál Repúblika, númeru 01/MI-MD/IX/2022, hodi halo operasaun konjunta entre F-FDTL no PNTL durante semana ida atu minimiza violénsia no aktu kriminál iha territóriu nasional liuliu iha kapital Dili, hodi garante pás no estabilidade iha Timor-Leste.

Notísia relevante: Prevene Konflitu, Governu autoriza F-FDTL-PNTL hala’o operasaun konjunta iha territóriu nasionál

Ho nune’e, Prezidente Ikatan Keluarga Silat Putera Timor-Leste (IKSP-TL), Silvestre Sufa, hateten, sirkular prepara ona atu fó sai ba membru iha territóriu nasionál  hodi suspende provizóriu sira nia atividade treinamentu.

“Sirkular internal kada fatin iha organizasaun IKSP-TL nian ami hasai ona, nasionál nian ami hasai ona, maibé orasida loraik mak foin bele públika sai kona-ba ami nia atividade treinamentu sei suspende provizóriu,” dehan Prezidente ne’e ba Agência TATOLI via media telefhone kuarta ne’e.

Tanba IKSP-TL hakruuk ba desizaun Estadu nian tomak, hodi halo suspensaun ba treinamentu hotu hahú horiseik to’o 27 setembru tinan ne’e.

“Ami nia karta sikulár ne’e sei reativa fali treinamentu hahú horisehik to’o 30 setembru,” nia afirma.

Tanba, tuir nia desizaun ne’ebé Governu foti pozitivu tebes atu kria pás no estabilidade iha nasaun ne’e, tanba agora ema balun mós utiliza sira nia atributu hodi halo provoka situasaun iha fatin públiku.

Prezidente IKSP-TL ne’e mós apela ba membru hotu atu labele hatais atributu IKSP-TL nian iha fatin públiku, atu nune’e parte seguransa bele deteta individu balun ne’ebé hosi arte-ritual ka organizasaun seluk ruma utiliza sira nia farda halo provokasituasaun bele hetan detensaun no prosesu tuir lei.

“Husu ba koordenador grupu ida-idak atu kontrola membru hodi labele monu ba provokasaun hodi kria instabilidade seguransa iha ita nia rai,” nia apela.

Notísia relevante: Dom Virgílio Kardeál husu grupu arte-marsiál promove dame

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!