DILI, 08 setembru 2022 (TATOLI) – Adjuntu Sekretáriu Jerál Federasaun Futeból Timor – Leste (FFTL), Frederico Martins, informa, sesta (09/09), ekipa selesaun nasionál under 20 (U-20), arraka bá Indonézia hodi partisipa jogu kualifikasaun Asian Football Confederation (AFC) 2022.
“Jogu kualifikasaun AFC nian sei hahú iha loron 14 setembru, nune’e ita nia ekipa arranka, aban, ba Indonézia hodi partisipa jogu ne’e,” dehan Frederico ba Agência TATOLI, iha edifísiu FFTL Dili, kinta ne’e.
Jogu ne’e hala’o iha Surabaya-Indonézia ne’ebé partisipa hosi nasaun hamutuk 44, hodi fahe ba grup A to’o J iha, nune’e Timor-Leste tama iha grupu F hamutuk ho Indonézia, Vietname no Hong-Kong.
“Ita nia jogadór sira hotu preparadu ona hamutuk ho treinadór sira aranka bá partisipa iha jogu ne’e. Jogadór ne’ebé liu iha selesaun atu reforsa Timor -Leste hamutuk na’in-23,” nia afirma.
Jogadór hirak ne’e hanesan, Junildo Pereira, Filonito Nouguera, Juvençio de Deus, Sandro Quintão, Juvito Moniz, Rivaldo Martins, Tonito Belo, Olgar Xavier, João Bosco Hale, Ricardo Bianco, Wiliem Vong, Jaimito Soares, Cristevão Fernandes, Freteliano dos Santos, Jonatas Pereira, Zenivio Mota, Anizio Correia, Mario Quintão, Alexandro Ima Kefi, Norberto da Costa, Ejivanio da Costa, Figo Ribeiro no Alexandro Lemos akompaña husi treinadór Eduardo Pereira.
Jornalista: Hortencio Sanchez
Editór : Florecio Miranda Ximenes
