DESPORTU, DILI, HEADLINE

Alkatiri hakarak apoiu CDTL dezenvolve desportu iha Timor-Leste

Alkatiri hakarak apoiu CDTL dezenvolve desportu iha Timor-Leste

Eis Primeiru Ministru no Sekretáriu Jerál Partidu FRETILIN, Mari Alkatiri. Imajen Tatoli/Argentina Cardoso.

DILI, 14 setembru 2022 (TATOLI) – Eis Primeiru Ministru, Marí Alkatiri, kuarta ne’e, hala’o audénsia ho Prezidente Konfederasaun Desportu Timor-Leste (CDTL siglá Portugés), Macario Sanchez, hodi ko’alia kona-ba dezenvovlimentu desportu iha Timor-Leste.

Iha ámbitu audénsia ne’e, Estrutura CDTL aprezenta sira nia-aan no hato’o misaun no vizaun ba líder istóriku ne’e atubele simu hanoin, opiniaun no apoia atu dezenvolve desportu iha Timor-Leste.

Notísia relevante:  CDTL husu PR Horta apoiu dezenvolve desportu iha Timor-Leste

“Ba organizasaun desportiva hotu ha’u bele ajuda sira, atu sai fali sira-nia portavóz hodi hato’o sira nia preokupasaun ba Governu. Ha’u prontu atu halo, hodi ajuda sira atubele dezenvolve desportu iha nasaun ne’e,” hateten Marí Alkatiri, hafoin ramata iha nia-rezidénsia ofisiál, Faról-Dili.

Líder nasonál ne’e mós husu ba Governu atu investe iha área desportu nian, la’os de’it ba kada individu, maibé mós ba instituisaun desportiva hotu iha Timor-Leste.

“Investe primeiru hametin instituisaun desportiva, la’ós investe ba ema ida-idak nian, ne’e mós importante, maibé importante liu mak hakarak desportu ba ema barak nian, ne’e tenke investe instituisionálmente ho federasaun desportu, desportu eskólar no desportu komunitáriu,” Alkatiri sujere.

Iha biban hanesan, Prezidente CDTL, Macario F. Sanchez, hateten halo audénsia ho líder istóriku,  atu relata planu no programa sira atu hetan apoia hodi dezenvolve desportu iha Timor-Leste.

“Ohin, CDTL orgullu tanba Eis Titulár hanesan Marí Alkatiri hakarak atu apoia CDTL ba dezenvolvimentu desportu iha Timor-Leste, liuliu atu fortalese organizasaun desportivu sira iha Timor-Leste hahú hosi harii federasaun, asosiasaun no klube sira ne’ebé di’ak,” katak Macario.

Notísia relevante:  CDTL husu Governu atu investe dezenvolvimentu desportu iha Timor-Leste

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!