iklan

HEADLINE, MUNISÍPIU, VIQUEQUE

Ahi han uma-rua durante inséndiu iha aldeia Bahabunac Viqueque

Ahi han uma-rua durante inséndiu iha aldeia Bahabunac Viqueque

Ekipa protesaun Sivil fó apoiu ba vítima inséndiu iha aldeia Bahabunac, tersa ne’e (20/09). Imajen Tatoli/Vitorino Lopes da Costa

VIQUEQUE, 20 setembru 2022 (TATOLI)—Ahi han uma-rua durante akontese inséndiu iha aldeia Babunhac, suku Uma Quic, postu adiministrativu Viqueque, munisípiu Viqueque, iha segunda (19/09), iha maizumenus tuku 22:00 kalan.

“Ami halo atividade verifikasaun no fó apoiu emerjénsia ba uma-kain rua ne’ebé hetan dezastre ahi-han iha aldeia Bahabunac, suku Uma Quic, akontese horikalan loron 19 setembru 2022. Vítima sira fó hatene ami katak ahi-han hosi uma kakuluk mak afeta ba uma-rua ne’e,” Adjuntu Protesaun Sivil, Cirilio Soares Gomes, hateten ba Agência Tatoli hafoin ramata entrega pakote emerjénsia ba vítima sira iha aldeia Bahabunac, tersa ne’e.

Notísia relevante: Ahi-han uma ida iha Naeboruk Viqueque

Insidente ne’e la rezulta ema ruma kanek ka mate maibé uma tali ida ahi-han mutuk inklui sasán uma-laran no uma kalen ida seluk ladún.

“Bazeia ba dadus ne’ebé ami rekolla, ahi-han uma-rua inklui dapur ida no gudang ida. Uma ida ahi-han totál no uma seluk hetan estragu naton de’it. Vítima sira deskonfia akontesimentu ne’e kauza tanba ahi eletrisidade, ne’ebé hahú hosi uma-nia kakuluk,” nia akresenta.

Nia dehan, ekipa bombeiru hosi horikalan, ho karreta tanke bee to’o iha fatin akontesimentu maibé la konsege salva uma.

Iha akontesentu ne’e parte Protesaun Sivil munisípiu Viqueque apoia ona ai-han ruma no materiál ho kategoria emerjénsia.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!