Top

FFTL halo ona pagamentu ba treinadór Fabio

Prezidente Federasaun Futebol Timor-Leste (FFTL), Francisco Martins Jerónimo. Imajen Tatoli/Sérgio da Cruz.

DILI, 22 setembru 2022 (TATOLI) – Prezidente Federasaun Futeból Timor – Leste (FFTL) Francisco Jerónimo fó-sai katak, federasaun halo ona pagamentu saláriu treinadór prinsipál U-23 no seniór selesaun nasionál Fabio Maciel da Silva no treinadór fíziku Silas Paixão.

“Pagamentu saláriu ba Fabio no Silas ita halo ona, durante fulan lima la selu ne’e ita selu hotu ona,” Prezidente FFTL informa ba Agência TATOLI iha edifísiu, FFTL, Dili, kinta ne’e.

Ba treinadór na’in rua ne’e ho totál saláriu hamutuk hira, Prezidete FFTL ne’e la sita tanba konfidensiál entre FFTL no treinadór na’in rua ne’e.

Antes ne’e FFTL la selu saláriu hamutuk fulan lima ba treinadór Fabio, hahú hosi abril-agostu. Loloos kontratu Fabio termina iha 31 dezembru 2022, maibé Fabio rasik hakotu ona nia kontratu ho FFTL iha fulan kotuk.

Daudaun ne’e FFTL sei negosia hela ho treinadór balun hosi Korea Súl no Brazil atu substitui Fabio no Silas nia fatin.

Jornalista: Hortencio Sanchez

Editór: Evaristo Soares Martins

Publisidade

Leave a Reply

Latest Post

error: Content is protected !!