iklan

NASIONÁL, DESPORTU, DILI, HEADLINE

FFTL nia relatóriu ba FIFA nunka falla

FFTL nia relatóriu ba FIFA nunka falla

Prezidente Federasaun Futeból Timor -Leste (FFTL), Francisco Gerónimo

DILI, 22 setembru 2022 (TATOLI) – Prezidente Federasaun Futeból Timor – Leste (FFTL), Francisco Jerónimo, fó-sai katak durante ne’e relatóriu relata ba Federation International Football Asosiation (FIFA) nunka falla tanba sempre atualiza.

“Ita la problema ho relatóriu, relatóriu haruka hotu ona ba FIFA, maibé tanba agora daudaun FIFA iha situasaun ne’ebé halo mudansa, entaun ami mós tenke adapta tuir saida mak situasaun FIFA nian, sira-nia mudansa ne’e ba iha administrasaun finanseiru ne’e mak halo osan mai tarde uitoan, depois sira mós prepara hela ba kopa mundiál tinan ne’e,” Prezidente FFTL informa ba Agência TATOLI iha edifisiu, FFTL, Dili, kinta ne’e.

Nia dehan, informasaun ne’ebé ema balun públika sai iha mídia sosial facebook dehan FFTL osan laiha ne’e laloos no lia-bosok.

“Tuir informasaun dehan FFTL osan laiha, FIFA la haruka osan mai ne’e bosok, sé osan laiha atividade sira la’o hela iha munisípiu ne’e uza saida, foku ne’ebé ita halo ne’e hakarak atu haree uluk ba iha munisípiu tanba atu lori bola ne’e ba territóriu tomak la’ós hala’o de’it iha Dili,” nia relata.

Entretantu, ko’alia kona-ba liga époka 2022-2023 ne’ebé la la’o to’o agora la’ós problema FFTL nian maibé problema Liga Futeból Timor – Leste (LFTL) nian.

“Kona-ba liga la la’o too agora la’ós problema FFTL nian tanba ami desde primeiru ho Sekretaria Estadu Juventude no Desportu (SEJD) aprezenta ona, ami-nia osan, maibé sé mak organiza liga ne’e la’ós FFTL, ita tenke ko’alia buat-ne’ebé loos no onestu ba malu,” nia informa.

Nia fó-sai katak, kada tinan auditoria FIFA nian ba FFTL la’o normal hela no FFTL agora daudaun la’o-tuir hela regra FIFA no Asian Football Confederation (AFC).

Nia husu ba públiku atu haree didi’ak buat-ne’ebé loos no labele dún de’it FFTL maibé la hatene prosesu iha sistema laran.

“Buat hotu tarde ne’e tanba mudansa estrutura finansa FIFA nian mak implika ba pagamentu sira tarde ne’e no transferénsia osan mai ita nia konta tarde,” na hateten.

Jornalista: Hortencio Sanchez

Editór: Evaristo Soares Martins

iklan
iklan

Leave a Reply

iklan
error: Content is protected !!