iklan

NASIONÁL, DESPORTU, DILI, HEADLINE

PSHT selu ona sasán ne’ebé membru sira estraga iha Akadiru-hun

PSHT selu ona sasán ne’ebé membru sira estraga iha Akadiru-hun

Sekretariu Jeral PSHT no Advogadu, Pedro Aparicio.Imajen Tatoli/Antonio Goncalves

DILI, 23 setembru 2022 (TATOLI) – Sekretáriu Jerál organizasaun Persaudaraan Setia Hati Terate (PSHT), Pedro Aparício, informa, sasán hirak-ne’ebé membru sira estraga iha konforntu iha Akadiru-hun selu hotu ona.

“Prosesu normál atu selu sasan hirak-ne’e mak halo reklamasaun, sé kuandu reklamasaun laiha ne’e, ami labele halo buat ida, maibé só karreta rua mak ami konsege selu ka hadi’a fali sira-nia vidru ne’ebé rahun tanba halo reklamasaun, ne’ebé ami hadi’a no entrega ona ba na’in,” Pedro Aparício informa ba Agência TATOLI iha edifísiu SEJD, Dili, sesta ne’e.

Nia dehan, kareta rua ne’e ida sidadaun bainbain nian no ida Polísia Nasionál Timor – Leste (PNTL) nian.

“Buat sira-ne’e ami selu hotu ona, ami sei halo relatóriu ba komandu jerál PNTL kona-bá impaktu ne’ebé akontese no saida mak ami halo ona,” nia relata.

Enkuantu kona-ba sidadaun hirak-ne’ebé la halo reklamasaun signifika sidadaun hirak-ne’e perdua ba sala hirak-ne’ebé membru hirak-ne’e komete.

“Selu ne’e, ami la’ós atu naran selu de’it, tenke simu lai reklamasaun, balu ami tún ba verifika haree estraga duni, ami foin bele selu, maibé ami hein só rua de’it mak mai ami selu mak rua ne’e de’it ona,” nia informa.

Sekretáriu Jerál PSHT ne’e labele fó-sai totál orsamentu hira-ne’ebé organizasaun PSHT selu ona.

Jornalista: Hortencio Sanchez

Editór: Evaristo Soares Martins

iklan
iklan

Leave a Reply

iklan
error: Content is protected !!