iklan

NASIONÁL, DILI, HEADLINE, SEGURANSA

ONG Belun fahe informasaun ba autoridade komunitária Bebonuk kona-bá meiu rezolve konflitu

ONG Belun fahe informasaun ba autoridade komunitária Bebonuk kona-bá meiu rezolve konflitu

ONG Belun iha Timor-Leste, atualiza dadus kona-ba krimi sira ne'ebé akontese iha Postu Administrativu Dom Aleixo ba Lider Komunitáriu Suku Bebonuk no Joventude sira, iha sede Suku Bebonuc Dili, tersa (27/09). Imajen Tatoli/Francisco Sony

DILI, 27 setembru 2022 (TATOLI) – Organizasaun Naun Governamentál Belun, tersa ne’e fahe informasaun ba autoridade lokál no Grupu Arte-Marsiál (GAM) iha suku Bebonuk, postu administrativu Dom Aleixo, munisípiu Dili, kona-bá meiu atu rezolve konflitu iha baze.

“Ohin, atu fahe dadus tuir buat-ne’ebé ami rekolla hosi monitór sira, hahú maiu-jullu konflitu hira mak akontese iha Bebonuk ne’e, atu nune’e autoridade lokál sira bele haree oinsá buka meiu prevene,” Koordenadór Atensaun Responde Sedu hosi ONG Belun, Cecília Ribeiro, ko’alia iha Brbonuk.

Nia esplika, durante fulan tolu rejista kazu 40-resin mak akonetese iha postu administrativu Dom Aleixo, liuliu suku Bebonuk.

Kazu ne’ebé akontese barak liu konflitu entre GAM, violénsia doméstika, kazu rai no seluk tàn.

ONG Belun fahe informasaun ne’e ba xefe aldeia sira iha Bebonuk, xefe suku, ofisiál polísia suku (OPS), xefe juventude no GAM balun.

“Ita halo oinsá autoridade lokál iha-ne’e bele halo prevensaun iha futuru, sira tenke utiliza de’it dadus ne’e atu halo asaun dame entre kazu sira-ne’e,” Cecília hateten.

Xefe suku Bebonukz Serafim Machedo, esplika, atividade atualiza informasaun kona-ba konflitu hira mak akontese iha suku ne’e kada fulan-tolu.

“Atividade ne’e importante loos mai ami hanesan autoridade komunitáriu sira, atubele hatene nune’e bele hakbesik-aan liubá komunidade sira fahe liután informasaun nune’e prevene konflitu iha Bebonuk ne’e,” nia dehan.

Tuir dadus ne’ebé mak iha Bebonuk no suku neen seluk ne’ebé tama iha postu administrativu Dom Aleixo konflitu GAM menus no kazu violénsia doméstika mak sa’e maka’as.

Dom Aleixo totál suku hamutuk hitu mak hanesan, Kampung Alor, Fatuhada, Manleuana, Bairru-Pité, Madohi, Comoro no Bebonuk.

Jornalista : Hortencio Sanchez

Editór        : Evaristo Soares Martins

iklan
iklan

Leave a Reply

iklan
error: Content is protected !!