iklan

NASIONÁL, DESPORTU, DILI, HEADLINE

Atleta Teófilo kontinua hadi’a nia prestasaun liuhosi ezersísiu

Atleta Teófilo kontinua hadi’a nia prestasaun liuhosi ezersísiu

Atleta, Teófilo Freitas, bainhira simu sertifikadu apresiasaun hosi Prezidente Repúblika, Francisco Guterres "Lú Olo". Imajen/Mídia PR

DILI, 28 setembru 2022 (TATOLI) –Atleta hosi modalidade atletizmu Teófilo Freitas kontinua hadi’a nia prestasaun liuhosi ezersísiu kada loron.

“Ha’u kada loron sempre treinu nafatin, treinu individu, halai iha Dili laran atu nune’e ha’u-nia prestasaun bele di’ak nafatin,” Teófilio ba Agência TATOLI iha Dili, kuarta ne’e.

Nia dehan, ezersísiu ne’ebé nia halo hodi prepara-aan atu kompete iha eventu Dili Maratona ne’ebé sei halo iha tempu badak.

“Eventu Dili Maratona sei hala’o iha tempu besik, entaun ha’u treinu prepara mós ba eventu ne’e, maske Dili, Maratona laoos ha’u-nia kategoria maibé ha’u nafatin treinu tanba palku kampiaun hein hela ema-ne’ebé treinadu,” dehan atleta ema ho defisiénsia ne’e.

Teófilo Freitas hanesan atleta ba modalidade Atletizmu ne’ebé foin dala uluk hamorin Timor – Leste nia naran iha eventu internasionál no marka istória únika iha Ázia.

Eventu internasionál ne’ebé lori Teofilo hetan medalla osan mean rua ne’e hanesan eventu ASEAN Paralímpiku hala’o iha Jakarta, Indonézia iha 2018. Iha ne’ebé Teófilo kompete ho atleta hosi nasaun hamutuk 43.

Nune’e mós iha 2022 iha Solo, Indonézia, Teofilio kontinua hatudu prestasan ne’ebé di’ak iha ASEAN Para Games hodi oferese medalla osan-mean rua ba Timor – Leste.

Medalla osan mean ne’ebé atleta Timoroan ne’e rekolla, liuhosi kurrida ho metru 1.500 ne’ebé kompete hosi atleta nasaun 10 iha ASEAN hanesan, Indonézia, Filipina, Myanmar, Vietname, Laos, Táilandia, Brunei Darusalam, Malázia, Kamboja no Singapura.

Maske, primeiru lugar iha kurrida metru 1.500, no kurida segundu iha metru 400 no metru 800 Teofilio kontinua okupa primeiru lugár.

Tanba ne’e total medalla osan-mean ne’ebé atleta ne’e hetan hamutuk tolu ona iha eventu internasionál.

 Jornalista: Hortencio Sanchez

Jornalista: Evaristo Soares Martins

iklan
iklan

Leave a Reply

iklan
error: Content is protected !!