iklan

EKONOMIA, HEADLINE

Turista ró kruzeiru Austrália kontribui rendimentu di’ak ba vendedór sira

Turista ró kruzeiru Austrália kontribui rendimentu di’ak ba vendedór sira

Ró kruzeiru Le Lapérouse hosi Austrália lori turista, atraka iha Portu Dili, kinta (15/09). Imajen Tatoli/António Daciparu

DILI, 30 setembru 2022 (TATOLI)—Diretór Sentru Formasaun Turizmu, António da Silva, hateten, turista sira ne’ebé foin lalais mai ho ró kruzeiru Le Lapérouse hosi Austrália, fó ona rendimentu di’ak ba vendedór sira ne’ebé fa’an produtu lokál no artezenatu.

“Ita-nia turista sira mai loron ida de’it no produtu ne’ebé ita-nia vendedór sira fa’an iha portu Dili konsege hetan osan hamutuk $700,” Diretór informa ba Agência Tatoli, iha ninia knaar fatin, Bidau Lecidere, sesta ne’e.

Negosiante sira fa’an produtu lokál hanesan nuu laloir, tais, mortél, moeda, arzenatu no seluk tan.

Notísia relevante: Ró kruzeiru Le Lapérouse hosi Austrália lori turista to’o ona Dili

Aleinde ne’e, turista sira konsege halo vizita ba Arkivu Muzeu Rezisténsia Timorense (AMTR), ho billete entrada ba kada turista $1,23.

“Benefísiu hosi vizita turista sira ne’e ba ajénsia viajen no fó servisu temporáriu ba estudante sira, no iha tempu hanesan turista sira sente satisfeitu tebes ho servisu atendimentu imigrasaun iha Portu Dili tanba aselera lalais viza,” nia akresenta.

Hahú hosi janeiru to’o setembru 2022, turista hosi rai-li’ur hamutuk 64 mai Timor-Leste no husu tuir informasaun atu vizita fatin turizmu sira.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!