iklan

DILI, HEADLINE

Prezidente EDTL atualiza progresu servisu ba PM Taur

Prezidente EDTL atualiza progresu servisu ba PM Taur

Prezidente Konsellu Administrasaun EDTL, E.P, Paulo da Silva. Imajen Tatoli/Egas Cristóvão

DILI, 04 outubru 2022 (TATOLI)– Prezidente Konsellu Administrasaun Eletrisidade de Timor – Leste (EDTL), Paulo da Silva, informa nia parte hasoru malu ho Primeiru Ministru, Taur Matan Ruak, hodi atualiza progresu servisu ne’ebé durante ne’e sira hala’o ona.

“Ohin, mai atu informa ba Primeiru Ministru kona-ba servisu eletrisidade nian ne’ebé mak ita halo ona, ita hatoo kona-ba programa eletrifikasaun ne’ebé ita la’o hela liuhosi area kobertura ba Suku sira no inisiativa projetu komunitariu atu bele lansa eletrisidade ba komunidade sira ne’ebé seidauk asesu,” dehan Prezidente ne’e iha Palásiu Governu, tersa ne’e.

Nia dehan, iha ambitu hasoru malu ne’e informa mós kona-ba Estudu gás ne’ebé EDTL halo hela iha terriitoriu laran.

“Ita fó prioridade ba suku 59, no daudaun ita promove lubuk ida ona hela suku 23 mak ita hala’o hela konkursu seluk ne’e konstrusaun la’o hela, maibé suku neen mak konklui 100% ona, halo ona inaugurasaun balun foin mak tama faze finalizasaun,” katak.

Projetu hirak ne’e, nia dehan EDTL halo parseria ho kompaña timoroan sira hodi dada eletrisidade ba komunidade sira iha suku 59 iha territóriu nasionál, nune’e EDTL nafatin fó atensaun atu aseleira konstrusaun hirak ne’e hodi komuidade sira bele asesu hotu ba eletrisidade.

Enkuantu reseita ne’ebé EDTL rekolla iha 2022 hahú janeiru to’o setembru hamutuk millaun $34,4.

“Ha’u garante to’o dezembru ita bele hetan to’o millaun $45-resin, ida ne’e pozitivu ba ita nia servisu,” nia relata.

Tanba ne’e, Primeiru Ministru husu ba EDTL atu mantein nafatin servisu ba kauza ema hotu nian liu-liu aseleira projetu dada eletrisidade ba komunidade sira iha suku rurál.

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!