iklan

HEADLINE, SAÚDE

Governu autoriza prosedimentu aprovizionamentu konstrusaun unidade pediatria

Governu autoriza prosedimentu aprovizionamentu konstrusaun unidade pediatria

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (05/10). Imajen Tatoli/Francisco Sony

DILI, 05 outubru 2022 (TATOLI)–Governu liuhosi reuniaun Konsellu Ministru (KM), kuarta ne’e, delibera hodi autoriza prosedimentu aprovizionamentu liuhosi konkursu públiku internasionál, ba adjudikasaun kontratu ezekusaun obra konstrusaun Unidade Pediatria no Kuidadu Koronáriu Intensivu sira iha Hospital Nacional Guido Valadares (HNGV).

Projetu deleberasaun ne’e aprezenta hosi Ministra Saúde (MS), Odete Maria Freitas Belo.

“Konstrusaun unidade foun ne’e ho objetivu prinsipál atu hadi’a asesu kualidade kuidadu espesializadu sira ne’ebé presta iha HNGV, ho atensaun espesiál ba internamentu kazu emerjénsia no urjénsia pediátrika nian,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.

Notísia relevante: Governu prepara konkursu públiku internasionál konstrusaun unidade pediatria no kuidadu intensivu

Nune’e, permite atu hadi’a resposta nasionál ba moras esporádiku no emerjente sira hosi denge, kólera ka moras sira seluk ne’ebé ho impaktu boot ba saúde públika, liuliu ba bebé sira ne’ebé foin moris inklui labarik sira.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!