Top

Konstrusaun UKL 2021 atinje ona pursentu 95

Konstrusaun UKL ba abitante Palino Quintão de Jesus, iha suku Lui Olu, postu administrativu Watucarbau ne’ebé paradu hela, tanba estrada aat no transportasaun materiál konstrusaun paradu. Imajen Tatoli/Vitorino Lopes da Costa.

DILI, 05 outubru 2022 (TATOLI) – Diretora Sekretariadu Tékniku Programa Nasionál Dezenvolvimentu Suku (PNDS), Claudinha Soares Pinto, hateten konstrusaun ba Uma Kbiit Laek (UKL) ba tinan 2021 nian atinje ona pursentu 95.

“UKL tinan kotuk, ha’u hanoin katak pursentu 95, besik atu remata ona tanba uma la to’o 50 ona, maiória munisípiu, konklui ona”, Claudinha haktuir ba Ajénsia Tatoli, iha resintu Ministériu Adminitrasaun Estatál (MAE), ohin.

Diretora PNDS hatutan uma ba UKL hothotu konstrui ona no konklui mak seidauk tanba dalan ladiak, nune’e konstrusaun tarde. Maibé garante sei konklui hotu iha tinan ne’e.

“Hosi uma ne’ebé seidauk konklui ne’e mai hosi Munisípiu Baucau, Covalima, no Lautém”, subliña.

Konstrusaun Uma Kbiit Laek ba faze dahuluk tinan 2021 nian, Governu prevé orsamentu millaun $25 ba uma 1.254 ne’ebé konstrui iha territóriu nasionál.

Notísia relevante: Ekipa PNDS termina ona prosesu aprovizionamentu UKL 2022 

Jornalista     : Osória Marques

Editór             : Zezito Silva

Publisidade

Leave a Reply

Latest Post

error: Content is protected !!