iklan

DESPORTU, DILI, HEADLINE

Federasaun Sorinji Kempo esforsu estabelese asosiasaun iha Liquiça no Aileu

Federasaun Sorinji Kempo esforsu estabelese asosiasaun iha Liquiça no Aileu

Atleta Kempo sira forma bainhira partisipa iha serimónia abertura Kampionatu Nasionál Kempo nian iha Jináziu Dili, 2 agostu 2019. Imajen Tatoli/Hortençio Sanchez

DILI, 06 outubru 2022 (TATOLI) – Tékniku Administrasaun Federasaun Sorinji Kempo Timor-Leste (FSKTL), Adão Pinto, informa, sira nia parte besik finaliza ona rekezitu ne’ebé mak Konfederasaun Desportiva Timor-Leste (CDTL-sigla Portugés) no Sekretária Estadu Juventude no Desportu (SEJD) husu tuir diploma ministeriál númeru 40/2020, nune’e bele iha direitu ba utilidade públiku.

“FSKTL nia dokumentu sira prepara no kompletu ona, maibé presiza aumenta tan assosiasaun, tanba tuir kritéria asosiasaun tenke hitu, maibé ita nian lima de’it, nune’e ita esforsu estabelese tan asosiasaun rua hodi prenxe rekezitu tuir diploma ministerial,” dehan Adão ba Agência TATOLI iha Jináziu Dili, kinta ne’e.

Daudaun ne’e, ekipa FSKTL esforsu hela hodi vizita ona Munisípiu rua hanesan Liquiça no Aileu atu estabelese assosiasaun iha ne’ebá.

Tanba, FSKTL foin estabelese asosiasaun iha munisípiu lima mak hanesan Lautem, Baucau, Ermera, Maliana no Dili.

Tuir diploma ministerial númeru 40/2020, katak federasaun hirak ne’ebé atu hetan direitu ba utilidade públiku tenke prenxe rekezitu hanesan, estrutura funsiona normál, tenke iha assosiasaun, atleta, treinadór, edifisiu no seluk tan.

Totál atleta FSKTL iha territóriu nasionál hamutuk 500-resin no tempu besik sei aumenta númeru.

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!