Top

Boxista Edigar orgullu sai primeiru lugar iha kompetisaun boxe

Kompetisaun Timor-Leste Amateur Boxing National Championship, Kategoria WALTERWEIGHT Walter Senior 71 Kg, Sikun Mean, Delío Mauzinho kontra Sikun Azul, Juvitom Santos, iha Gináziu Díli ka Gedung Matahari Terbit (GMT), loron sábadu (08/10). Imajen Tatoli/Francisco Sony

DILI, 10 outubru 2022 (TATOLI)– Boxista hosi klube OBC, Edigar F da Silva, sente kontente no orgullu bele sai okupa primeiru lugar ba kampionatu nasionál Boxe, ne’ebé realiza hosi Federasaun Boxe Amadora Timor – Leste  (FBATL) iha kilograma 57.

“Sente kontente no orgullu tanba bele sai hanesan primeiru lugar iha eventu ne’e, maibé antes ne’e ami nia preparasaun ladun másimu tanba eventu ladun iha, maibé sai vensedór ida ne’e orgullu tebes,” dehan atleta ne’e iha Jináziu Dili foin lalais ne’e.

Nia dehan, durante preperasaun nia hetan motivasaun no esperiénsia barak hosi Boxista senior sira.

“Ha’u durante treinu hetan suporta masimu hosi ha’u nia maun sira, tanba ha’u iha maun na’in tolu mak hanesan Boxista, sira sempre motiva ha’u ohin loron ha’u hatudu prestasaun di’ak,” katak.

Tanba ne’e, Boxista ne’e akresenta kontinua foku ba treinu, nune’e bele hetan oportunidade ba kompete iha eventu internasionál hanesan ASEAN Games no seluk tan.

Boxsista TLS, Eliziu Raimundo. Imajen Tatoli/Francisco Sony

Iha biban hanesan, Atleta Elizio Raimundo Gaio hosi klube OBC, mós sente kontente tanba sai primeiru lugar iha kategoria klase kilograma 53.

“Sente kontente tebes bele sai hanesan primeiru lugar ba kilogarama 53 nian, ida ne’e bele motiva ona alin juniór sira ne’ebé atu tuir ami nia dalan, sira bele banati tuir saida mak ami halo ona,” akresenta.

Hosi atividade ne’e hetan apoiu másimu hosi Governu liuhosi Sekretariu Estadu Juventude no Desportu (SEJD) ho montante $10.000.

Iha eventu ne’e klube hamutuk 21 mak partisipa ho totál atleta hamutuk 30-resin, kompostu hosi atleta seniór no juniór.

Jornalista: Hortencio Sanchez

Editór       : Florencio Miranda Ximenes

Publisidade

Leave a Reply

Latest Post

error: Content is protected !!