Top

TDD aplika Aprezentasaun Periódika no Proíbisaun Aujénsia ba arguidu kazu instalasaun Set-Top Box

Hafoin oras 72 CAC halo buska no aprensaun ba kasu intalasaun set -top box RTTL.EP, neebe emvolve sekretarian FFTL nee, sabadu 15 otubru 2022 bainhira tuir interogatoriu dahuluk iha Tribunal Distrital Dili. Imajen Tatoli/António Daciparu

DILI, 16 outubru 2022 (TATOLI)— Tribunál Distritál Dili (TDD), domingu (16/10) ne’e, liuhosi Juisa Albertina Neves, deside aplika medida koasaun Aprezentasaun Periódika no Proíbisaun Aujénsia ba arguidu GPdD no MfC ne’ebé deskonfia envolve iha kazu Set-Top Box.

Tribunál aplika medida koasaun Aprezentasaun Periódika ba arguidu GPdS, ne’ebé nu’udar asesór iha Ministériu Asuntu Parlamentar no Komunikasaun (MAPKOMS) no aplika medida koasaun Proíbisaun Aujénsia ba arguida MfC.

“Tibunál aplika desizaun ba ha’u nia kliente nain-rua, hanesan kliente insiál GPdS, ho aplikasaun Aprezentasaun Periódika (AP), atu kada semana rua aprezenta aan iha Eskuadra Polísia ne’ebé besik,  no arguida MfC, mak tribunál aplika Proíbisaun Aujénsia,  hodi bandu nia labele sai hosi territóriu nasionál.  Tanba kazu ne’e sei la’o hela no seidauk termina,” Advogadu Privadu, Arlindo Sanches hateten ba Jornalista sira iha TDD.

Hafoin oras 72 CAC halo buska no aprensaun ba kasu intalasaun set -top box RTTL.EP, ne’ebe emvolve sekretarian FFTL nee, sabadu 15 otubru 2022 bainhira tuir interogatoriu dahuluk iha Tribunal Distrital Dili. Imajen Tatoli/António Daciparu

Nune’e, nia dehan ho desizaun ne’e nia parte aseita no konsidera desizaun ne’e adekuadu ba nia kliente.

Hatan kona-ba sasan hanesan karreta ne’ebé antes ne’e ekipa CAC halo apreensaun iha árguida MfC, nia dehan, hanesan parte Defeza ba arguidu nain rua nian husu ba tribunál atu devolve fila fali sasan ne’ebé maka antes ne’e ekipa CAC halo apreensaun iha árguida MfC nia rezidénsia tanba sasan sira ne’e laiha relasaun ba kazu ne’ebé arguida envolve.

“Horiseik iha alegasaun ha’u husu duni ba Ministériu Públiku atu devolve sasan sira ne’ebé maka CAC, antes ne’e halo apreensaun, maibé ohin tribunál dehan sei haree atu devolve ka lae, tanba kazu ne’e sei kontinua seidauk iha nia finalidade,” katak.

Maske, antes ne’e Ministériu Públiku (MP) ne’ebé maka reprezenta hosi Matias Soares husu ba tribunál  atu aplika medida koasaun prizaun preventiva, ba arguidu na’in-rua, tanba haree ba faktu no prova sira, komprova duni katak arguidu na’in-rua maka nu’udar autór ne’ebé envolve direta ba kazu ne’e.

Ho nune’e, haree ba razaun hirak-ne’e maka Ministériu Públiku husu ba tribunál atu aplika medida koasaun prizaun preventiva tanba atu  asegura arguidu sira labele halo lakon faktu no prova sira, bazea ba artigu 183 hosi Kódigu Penál Timor-Leste nian.

Razaun seluk ne’ebé maka MP fundamenta iha alegasaun ne’e maka atubele asegura  arguidu sira labele desvia hosi prosesu justisa, tanba kazu ne’e seidauk iha finalidade.

Audénsia ne’e, prezide hosi Juiza Albertina Neves, Ministeriu Públiku reprezenta hosi Prokuradór Matias Soares no arguidu sira hetan asisténsia legál hosi Advogadu Privadu Arlinodo Sanches no Advogada na’in-rua.

Notísia relevante: Notísia relevante: Kazu Set-Top Box, arguidu na’in-rua submete interrogatóriu dahuluk

Jornalista: Natalino Costa

Editór      : Florencio Miranda Ximenes

Publisidade

Leave a Reply

Latest Post

error: Content is protected !!