EDUKASAUN, HEADLINE, MUNISÍPIU, OÉ-CUSSE (RAEOA)

MESSK disemina kritéria rejime jerál no espesiál asesu UNTL-IPB iha Oé-Cusse

MESSK disemina kritéria rejime jerál no espesiál asesu UNTL-IPB iha Oé-Cusse

MESSK disemina kritéria rejime jerál no espesiál asesu ba UNLT-IPB iha Oé-Cusse. Imajen Tatoli/ Abílio Elo Nini.

OE-CUSSE, 18 outubru 2022 (TATOLI) – Ministériu Ensinu Superiór, Siensia no Kultura (MESSK), Longuinhos dos Santos, akompaña hosi Reitór Universidade Timor Lorosa’e (UNTL), João Soares Martins, tersa ne’e disemina kritéria rejime jerál no espesiál ba entidade sira iha Rejiaun Administrativa Espesiál Oé-Cusse Ambeno (RAEOA), atu kontinua divulga ba eskola sira atubele asesu ba ensinu superiór públiku UNTL no Institutu Públiku Betano (IPB) tinan akadémiku 2023.

Ministru Longuinhos dos Santos, informa, atividade diseminasaun ne’e, importante ba estudante sira hosi ensinu sekundariu jerál, tékniku vikasionál presiza iha koñesimentu, nune’e iha futuru bele asesu iha ensinu superiór públika hanesan UNTL no Institutu Públiku Betano (IPB) tinan akademiku 2023.

Tuir governante ne’e katak, objetivu prinsipál diseminasaunnne’e atu asesu ba ensinu superiór no atu promove igualdade oportunidade ekitatitva ba oportunidade, liuliu ba rejime rua, rejime jerál no rejime espesiál.

Purtantu, iha rejime jerál ne’e fahe ba rua, primeiru rejime jerál ba estudante finalista ensinu sekundáriu jerál, no rejime jerál ba estudante finalista sira hosi tékniku vokasionál.

“Iha tinan kotuk ita kria de’it rejime jerál, maibé kuandu prosesu ne’e la’o ita konsege deteta konsientementu problema no frakeza, entaun frakeza ida-ne’e, presiza ita hotu hadi’a tinan ba tinan, nune’e iha 2021 ita konsege hadi’a daudaun, fahe rejime jerál rua ba estudante finalista ensinu sekundariu jerál no ensinu tékniku vokasionál,” Longuinhos dos Santos, ko’alia iha abertura sensibilizasaun ne’e.

Alende ne’e mós MESSK, disemina kona-bá kritéria rejime espesiál oportunidade, kabe ba estudante finalista sira-ne’ebé akaba antes ona hahú hosi 2018 to’o 2021, iha direitu bele asesu ba IPB no UNTL.

Nune’e mós disemina kona-bá rejime espesiál bolsa hakbiit, rejime ne’e mai hosi inan-aman ne’ebé maka laiha posibilidade finansiamentu.

Maske nune’e la taka dalam mós ba estudante sira-ne’ebé defisiente, ida-ne’e MEESK kria mós rejime espesiál ida ba sira, nune’e mós rejime espesiál ba seguransa sira, PNTL no F-FDTL iha direitu bele asesu ba ensinu superiór públiku.

“Ida-ne’e maka rejime rua, ne’ebé kria hosi MESSK liuhosi Komisaun Asesu Ensinu Superiór (KAES), tanba iha rejime rua ne’e iha idak-idak, oferese liuhosi KAES rasik, ba rejime jerál 70% bazea vaga ne’ebé oferese hosi UNTL no IPB, ba rejime espesiál nia vaga 30%,” nia afirma.

Prezidente Autoridade RAEOA, Arsénio Paixão Bano, konsidera sensibiliasaun ne’e importante ba estudante sira no dirijente edukasaun inklui eskola, nune’e nia parte sei orienta inspetór eskolár sira atu divulga informasaun ba eskola sira iha terrtóriu Oé-Cusse.

Tanba tuir dadus hatudu Oé-Cusse menus liu kompara ho munisipíu seluk, bolsa parseiru sira iha 2022 Oé-Cusse iha 107 de’it, bolsa hakbiit na’in-60, 2021 iha de’it na’in-47, entaun diretór sira iha edukasaun no eskola ladún halo serbisu, sensibilizasuan informasaun to’o baze tenke promove beibeik.

“Ida-ne’e hatudu estudante sira ladún rona informasaun hosi ita-boot sira, ohin dirijente másimu hosi nasionál no UNTL mai só halo sensibilizasauan de’it, entaun responsabilidade tomak iha dirijente sira iha Oé-Cusse komesa agora tenke tún ona iha baze fó hatene autoridade lokál, komunidade no eskola sira kona-bá informasaun ne’e,” nia fó hanoin.

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!