Top

Komandu PNTL sei halo demisaun ba membru nain-rua

Ofisiais membru PNTL. Imajen Tatoli /Antonio Daciparu

DILI, 26 outubru 2022 (TATOLI)— Komandu Polísia Nasionál Timor-Leste (PNTL), liuhosi desizaun Konsellu Superiór Polísia Seguransa, aprova proposta lista naran membru na’in-rua atu halo demisaun tanba viola regra serbisu.

Inspetór Jerál Komandu Jerál PNTL, Superintendente Xefe Carlos Jeronimo, hateten, reuniaun KSS ne’e deskute ajenda importante rua, ida kona-ba asuntu institusionál PNTL nian iha futuru no asuntu segundu maka deskute kona-ba proposta deminasaun ba membru PNTL nain-rua.

“Ohin, ami ko’alia de’it kona-ba hahú hosi prosesu disiplinár ba membru polísia nain-rua to’o ba sira nia prosesu demisaun”, Superintendente Xefe Carlos Jeronimo ba jornalista sira liuhosi Konferénsia Imprensa ne’ebé maka hala’o iha Komandu PNTL Caicoli, kuarta ne’e

Razaun, Komandu PNTL halo demisaun tanba membru PNTL nain-rua ne’e la tuir rega serbisu, liuliu falta serbisu durante loron 120.

“Membru nain-rua ne’e ida postu Ajente polisia no ida seluk postu ajente Xefe, sira nain rua nia naran ha’u labele mensiona, tanba sei iha hela prosesu, maibé sira nain rua ne’e Komandu Jerál liuhosi Konsellu Superiór deside atu halo demisaun tanba la tama serbisu”, katak.

Normálmente, nia dehan membru PNTL tuir ona prosedimentu liuliu Justisa ne’ebé aplika sansaun disipliñar hodi halo suspensaun hodi hein demisaun.

“Presiza buka tan faktu balun, hodi nesesita ba membru hirak nia demisaun, tanba faktu ne’ebé Komandu Jerál aprezenta iha reuniaun Konsellu Superiór Seguransa seidauk kompletu”.

Prosesu demisaun ne’e komandu PNTL rekomeda ba Ministru Interiór mak iha kompetensia atu haree no deside halo demisaun.

Jornalista: Natalino Costa

Editór       : Florencio Miranda Ximenes

Publisidade

Leave a Reply

Latest Post

error: Content is protected !!