iklan

DILI, HEADLINE, SEGURANSA

Asidente tráfegu hamate ema na’in-neen durante finadu

Asidente tráfegu hamate ema na’in-neen durante finadu

Ilustrasaun vítima asidente tráfegu. Imajen/espesial

DILI, 04 novembru 2022 (TATOLI)– Portavós Polísia Nasionál Timor-Leste (PNTL), Superintendente Xefe Arnaldo Araújo, informa durante loron finadu ema na’in-neen mak lakon vida tanba hetan asidente trágefu.

“Hahú hosi 29 outubru to’o 03 novembru, mosu asidente tráfegu ne’ebé rezulta ema na’in-neen mate ou lakon vida”, dehan Portavós PNTL ne’e, liuhosi konferénsia impresa iha Kuartél Jerál PNTL, Caicoli-Dili, sesta ne’e.

Asidente tráfegu ne’ebé hamate ema na’in-neen ne’e akontese iha munisípiu haat hanesan, Dili Ermera, Manatuto no Baucau.

Iha loron 30 outubru, tuku 06:30, asidente entre karreta ho xapa matríkula 60:385 TL mak soke motór Beat ho xapa matríkula M.8226 iha área Fatukero, postu administrativu Railaco, munisípiu Ermera ne’ebé rezulta vítima Delvin de Araújo Saores (tinan 22) no no David Soares (tinan 23) mate fatin.

Asidente iha área Balak Masin, suku Ma’abat, postu administrativu Manatuto Villa, munisípiu Manatuto akontese iha Sábadu (29/10), tuku 05:30, madrugada, ne’ebé motór  mio street ho xapa matríkula S.2779, halai sai hosi estrada hodi rezulta José de Rosa Barbosa (tinan 37) mate fatin no ida kanek todan. Nune’e transfere kedas ba Hospitál Nacional Guidu Valadares (HNGV) Dili hodi halo tratamentu no matebian entrega kedas ba família hodi hala’o seremonia funebre iha posto administrativu Baguia-Baucau.

Entretantu, asidente  entre karreta Carry, kór metan ho xapa matríkula A.12-012 TL, soke malu  motór Vixion, kór mutin, xapa matríkula C.7928  iha área Mulia-Baucau, iha loron 30 to’o 31 outubru ,  tuku 16:00 no tuku 13:40 hodi hamate vítima ho naran Jeronimo Magno da Assunsão (tinan 34), hosi Mehara-Lautém no Nelia Fraga Sarmento (tinan 9) hetan tohar iha parte kelen karuk hela fatin Ossu Desima no João Marçal Soares (tinan 34) hela fatin Lokeiru, Mehara, Tutuala  ho kondiaun kanek.

Iha loron 28 outubru, tuku 11:30, akontese asidente ho motór Honda Mio Beat, kor mutin, xapa matríkula K.1253, tula ema na’in-tolu hodi hala’o viajen diresaun hosi postu administrativu Venilale-Vila atu ba iha Saelari no to’o iha área estrada públiku Uaidikotu Liabala maka motór travaun ain mak akontese

Nune’e mós asidente trafégu grave ne’ebé akontese iha área Caicoli, Dili, iha loron kuarta (02/11), tuku 11:00, meudia, envolve entre karreta ho motór soke malu hodi rezulta Domingos Soares, nu’udar funsionáriu WHO ne’ebé uza motór ho marka CRS ho xapa matríkula 0156 lakon vida hafoin halo tratamentu saúde iha HNGV.

“Ita haree tipu akontesimentu asidente tráfegu omísidu neglijente ofensa integridade fíziku agravadu neglijente, ofensa integridade fíziku simples neglijente, simples Neglijente. Munisípiu haat ne’e nia relatóriu mak tama iha Komandu Jerál no Munisipiu seluk la’e signifika situasaun la’o kontroladu,” nia konklui.

Jornalista: Hortençio Sanchez

Editór      : Florencio Miranda Ximenes

iklan
iklan

One Comment

  1. Ho hanoin kritiku dehan mate nain 6 entaun calcula iha website ne wema nain 5 deit fo info Klaru ituan duvidas fali #emot batu

Leave a Reply

iklan
error: Content is protected !!