Top

Konfrontu iha Fatunaba rezulta joven na’in ida mate

Portavós PNTL Superintendente Xefe, Arnaldo de Araújo. Imajen Tatoli/Eugénio Pereira

DILI, 04 novembru 2022 (TATOLI)— Portavós Polisia Nasionál Timor-Leste (PNTL), Superintendente Xefe Arnaldo Araúj, informa, konfrontu ne’ebé akontese iha aldeia Fatunada, suku Dare, postu administrativu Na’in-Feto, munisípiu Dili, kinta (03/11), kalan, rezulta hamate joven na’in-ida.

“Konfrontu ka tuda malu entre joven sira ne’e akontese iha Fatunada. Konfrontu  ne’e deskonfia envolve hosi grupu rua mak hanesan Arte Marsiál no Arte Rituál, nune’e joven na’in-ida mate tanba tuda kona iha parte ulun”, dehan komandante ne’e iha Kuartél Jerál, Caicoli-Dili, sesta ne’e.

Joven ne’ebé mate ho naran kompletu Clementino Borges (tinan 25), deskonfia matebian mós envolve organizasaun arte marsiál balun ne’ebé ejiste iha Timor-Leste.

Hafoin kontrontu ne’e, PNTL halo detensaun ba joven na’in-27, kompostu mane-26 no feto ida ne’ebé daudaun detein hela iha sela PNTL munisípiu Dili hodi kompleta oras 72, submete ba primeiru interrogatóriu iha Tribunál Distritál Dili (TDD).

Portavós PNTL ne’e relata hafoin kontrontu ne’e autoridade seguransa asegura kedan fatin akontesimentu, nune’e daudaun situasaun iha fatin ne’ebá la’o hakmatek.

“Kronolójia loloos hosi konfrontu ne’e, ha’u seidauk bele fó sai ba públiku tanba sei iha prosesu investigasaun”, nia afirma.

Jornalista: Hortençio Sanchez

Editór       : Florencio Miranda Ximenes

Publisidade

Leave a Reply

Latest Post

error: Content is protected !!