iklan

BOBONARO, HEADLINE, MUNISÍPIU, SAÚDE

PDHJ Maliana anota ona kazu tula pasiente ho baskulante

PDHJ Maliana anota ona kazu tula pasiente ho baskulante

Diretór PDHJ Delegasaun Territórial Maliana, Domingos Pinto Tavares. Imajen Tatoli/Sérgio da Cruz.

BOBONARO, 09 novembru 2022 (TATOLI) –Provedoria Direitu Humanu no Justisa (PDHJ), Delegasaun Territórial Maliana, anota ona kazu família aluga karreta baskulante tula pasiente inan-isin rua hosi aldeia Ozo, suku Lontas, postu administrativu Lolotoe transporta mai sala maternidade Hospital Referál Maliana.

Kazu família aluga karreta baskulante tula pasiente inan-isin rua, Delfina Maia Pacheco, idade 23 hosi aldeia Ozo, suku Lontas, postu administrativu Lolotoe transporta mai sala maternidade Hospital Referál Maliana.

Notísia relevante: Família aluga baskulante hosi Lontas tula inan isin-rua ba Maliana

“Ami halo ona planu, semana ami sei halo intervensaun ba asuntun ne’e, tanba relasaun ho atendimentu ita-nia autoridade saúde nia ba ita-nia populasaun, liuliu inan isin-rua sira,” nia informa ba jornalista sira, iha Maliana, kuarta ne’e.

Tuir nia, inan isin rua hanesan knu’uk foun ne’ebé  presiza hetan tulun atendimentu saúde ne’ebé di’ak,tanba joegrafikamente suku Lontas lokaliza iha área remota.

Domingos haktuir, informasaun ne’e PDHJ asesu liuhosi publikasaun portál Agência Tatoli, iha loron 19 fulan ne’e katak família pasiente tenta kontaktu ba parte kondutór ambulánsia maibé la atende tanba númeru telemovel mate hela.

Maibé Diretór ne’e seidauk bele fó komentáriu kona-bá asuntu ne’e tanba PDHJ hanesan instituisaun kontrolu ne’ebé la’ós atu julga sé mak sala ka sé maka loos, maibé sei problema ne’e ninia varasidade.

“Ha’u labele heteten kondutór ambulánsia mak lakohi atende, maibé ita haree ba ninia sistema, ita la haree ba ninia sala, PDHJ hakarak haree sistema ne’e,tanba saida maka kondutór lakohi halo atendimentu, entaun primeiru ita bolu vítima sira ita husu, depois ita sei husu kondutór ninia kolega sira, família sira, ita mós sei husu ba ninia xefe sentru saúde Lolotoe inklui diretór saúde Bobonaro hanesan mekanizmu formál atu ita buka hatene,” nia akresenta.

Prezidente Autoridade Munisípiu Bobonaro, Ernesto de Oliveira Barreto, esplika kazu ne’e ekipa ajénsia fiskalizasaun halo ona investigasaun dala-rua, tanba ne’e sei hein rezultadu finál.

“Ha’u ko’alia ho diretór fiskalizasaun atu aselera relatóriu ne’e, atu nune’e ha’u bele apár, sá medida maka atu hola ba funsionáriu ne’e. Sé tebes tanba nia naruk ona serbisu iha ninia fatin, entaun hakarak ka lakohi tenke transfere ba fatin seluk, atu nune’e nia bele aprende,” nia informa.

Pasiente Delfina Maia Paseco ho nia oan mane dahuluk alta ona ba nia rezidensia iha Ozo, hafoin baisa iha sala maternidade Hospital Referál Maliana kuaze besik semana rua.

Notísia relevante: Aldeia Tolu Iha Suku Lontas Presiza Kanalizasaun Bee-Moos

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!