PN aprova OJE 2023 ba MJ iha espesialidade

DILI, 14 novembru 2022 (TATOLI)- Parlamentu Nasionál (PN), segunda ne’e, aprova Orsamentu Jerál Estadu (OJE) 2023 ba Ministériu Justisa ho montante $13.802.719 iha faze espesialidade.
Parlamentu Nasionál aprova orsamentu ne’ebé aloka ba Ministériu Saúde ho votu afavór 40, abstensaun 22 no kontra laiha.
“Nune’e, Orsamentu ba Ministériu Justisa pasa”, hateten Prezidente Parlamentu Nasionál, Deputadu Aniceto Longuinhos Guterres Lopes, iha plenária PN, segunda ne’e.
Perante debate iha sala plenária, membru Komisaun A Deputadu, Luis Roberto aprezenta proposta ida atu aloka tan osan ba iha Ministériu Justisa hodi holo akizasaun ba transporte hodi fasilidade ba Defensór Públiku iha munisipiu sira.
Razaun nia parte propoin proposta ne’e tanba tuir komisaun nia A nia fisikalizasaun iha Munisípiu Baucau hodi haree besik serbisu Defensór Públika hatudu menus iha fasilidade no Tribunál Primeiru Instánsia balun laiha kondisaun atu halo serbisu.
Hatan kona-ba kestaun Ministru Justisa Tiago Amaral Samento, hateten preokupasaun sira ne’e loos ,maibé Ministériu Justisa halo ona akizasaun karreta ba Defensória Públika hamutuk 12 no iha tempu badak sei fó ba Defensór Públika atu uza hodi responde ba atividade loron loron.
Nune’e, Governante ne’e husu Deputadu sira atu apoia orsamentu MJ hosi aprovasaun hodi finansia ba atividade Ministériu Justisa liuliu iha formasaun sira iha Sentru Formasaun Jurídiku no Judisiáriu no rekruta ba autór judisiáriu sira liu liu juis Prokurdór, Defesór Públiku hodi koresponde ba lei organizasaun judisiáriu ne’ebé sei implementa tinan oin.
“Ami husu para ita bo’ot sira apoiu nafatin Ministériu nian orsamentu ne’ebé inisiu aprezenta mai antes ne’e Parlamentu Nasionál,” nia sujere.
OJE 2023 ho montante $13,802,719 fahe ba programa hanesan reforma do Estado $335,528, ho Sub-programa kuadru legál $74,748, Ordenamentu jurídico do sistema judisiál entra no vigór $74,748, Sub-programa konsolisaun legislativa $260,780 no Programa asesu justisa $9,204,182.
Enkuantu ba sub-programa dezenvolvimentu área téknika espesífika $228,212, reinsersaun sosiál $ 41,000, doasaun ba padraun detensaun reinsersaun sosiál liuliu ba prizioneiru sosiál $41,000, sub-programa serbisu prisionál $2,659,77 serbisu kadastrál $218,706, sub-programa jestaun teras no propriedade $1,891,709, jestaun informasaun jeopolitika espesiál $19,000, sub- programa rejistu notariadu $116,016, sistematisaun rejistu notariadu $ 116,016, sub-programa identikasaun sivil no rejistu kriminál $ ,697,018.
Programa boa governasaun no institusionál $4,253, sub-programa boa governasaun $653,502, programa igualdade jeneru inklusaun sosiál $9,960, sub-programa implementasaun rezolusaun 1325 (2000) $2,590.
Jornalista: Natalino Costa
Editór : Florencio Miranda Ximenes

