OJE 2023 ba Tribunál Rekursu pasa iha espesialidade

DILI, 15 novembru 2022 (TATOLI)— Parlamentu Nasionál (PN), tersa ne’e, aprova Orsamentu Jerál Estadu (OJE) 2023 ne’ebé prevee ba Tribunál Rekursu ho montante milliaun $7,516,068 iha faze espesialidade.
Deputadu sira Parlamentu Nasionál aprova orsamentu Tribunál Rekursu ne’e ho votu afavór 42, kontra laiha no abstensaun 16.
“Orsamentu ba Tribunál Rekursu pasa”, Prezidente Parlamentu Nasionál, Deputadu Aniceto Longuinhos Guterres Lopes, deklara iha sala plenáriu-PN, tersa ne’e.
OJE 2023 ne’ebé prevee ba TR ho montante milliaun $7,516,068 ne’e aloka ba programa asesu ba justisa $188,980 ho sub- programa dezenvolvimentu rekursu umanu iha área tékniku espesífiku prevee $188,980, profisionál legál, atividade formasaun rekursu umanu iha área justisa alokadu $102,520, formasaun profissionál seluk tan hamutuk $86,460.
Entretantu, programa boa governansaun no jestaun institusionál ho montante $1,368,790, ho nia sub-programa jestaun no institusionál $1,361,790, variasia ezekusaun orsamentu ba programa $1,361,790.
Nune’e, atividade jestaun finanseira, administrasaun no lojístika $1,324,790, atividade planeamentu, monitorizasaun no estatístika $6,000, atividade formasaun no kapasitasaun rekursu umanu $6,000 ho nia atividade komunikasaun no divulgasaun $25,000.
Ho nia sub-programa Parseria ho nia osan $7,000 ho nia atividade kooperasaun no parseria partisipa konferénsia $7,000.
Jornalista: Natalino Costa
Editór : Florencio Miranda Ximenes

