iklan

DESPORTU, DILI, HEADLINE

Dezembru, FFTL-LFTL abertura liga futeból époka 2022-2023

Dezembru, FFTL-LFTL abertura liga futeból époka 2022-2023

Emanuel FC sai kampiaun hafoin joga ho Academi FC iha joga divisaun II, Liga Futeból Timor-Leste, tersa 7 Desembru 2021, iha Stadium Munisipal Dili, Imajen Tatoli/António Gonçalves

DILI, 17 novembru 20222 (TATOLI)— Diretór Relasaun Públika Liga Futeból Timor-Leste (LFTL), Diego Neto, informa hahú loke hikas ona janela transferénsia ba jogadór nasionál no internasionál ba klube primeira divizaun no segunda divizaun, nune’e realiza liga timorense iha dezembru 2022 no ramata iha marsu 2023

Diretór Diresaun Relasaun Publika LFTL, Diogo Neto Fraga. Imajen/Espesiál

“Sekretáriu Estadu Juventude no Desportu (SEJD) halo ona transferénsia orsamentu ba Federasaun Futeból Timor-Leste (FFTL), nune’e ami órgaun futeból hahú organiza loke janela transferénsia. LFTL no FFTL iha ona komunikasaun ne’ebé di’ak tebes, maske iha lakunas barak, maibé parte rua konsege intende malu hodi konkorda malu realiza liga iha dezembru nia-laran,” Diretór Diego hateten iha Estádiu Dili, kinta ne’e.

Tanba ne’e, nia husu ba klube hotu ne’ebé sai membru ba LFTL atu hakbesik an ba sede LFTL hodi halo rejistrasan ba jogadór hahú 17 novembru to’o 10 dezembru, nune’e bele prepara ba kompetisaun ne’ebé tuir kalendariu tentativa primeira divizaun sei hahú 12 dezembru no segunda divizaun 21 dezembru no ramata iha marsu tinan-oin.

Sistema ba jogu LFTL sei foti metade kompetisaun ho jogu hamutuk 36 ne’ebé sei hala’o de’it iha Estádiu Munisipál Dili to’o ramata.

Alende ne’e, LFTL mós iha komunikasaun di’ak ho klube sira no jogadór ho nune’e iha tempu besik nia garante klube sira ble hakbesik aan ba LFTL hodi halo rezistrasaun jogadór.

Enkuantu kona-ba orsamentu apoiu masimu hosi Governu SEJD ho kontante $200.000, no FFTL $200.000 hamutuk orsamentu $400.000 no kona-ba suporta finanseira ba klube FFTL sei tetu hela.

Total klube primeira divizaun no segunda divizaun ne’ebé hamahan aan iha LFTL hamutuk 18 ne’e mak hanesan primeira divizaun AD SLB Laulara, AS Ponta Leste, Karketu Dili FC, Assalam FC, Emanuel FC, Aitana FC, Atletico Ultramar, Academica FC no Porto Taibessi FC.

Enkuantu, Segunda Divizaun mak hanesan, Kablaki FC, Nagardjo FC, DIT FC, Lica-Lica FC, Lemorai FC, AS Marca, FIEL FC, Zebra FC no Boavista FC Timor.

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!